మెగా ప్రిన్స్ వరుణ్ తేజ్ కి ఫిదా మంచి ఉత్సాహాన్నిచ్చింది. శేఖర్ కమ్ముల దర్శకత్వంలో వచ్చిన ఈ సినిమా సూపర్ హిట్ అయింది. 60 కోట్లు వసూళ్లను సాధించి ఔరా అనిపించింది. ఈ మూవీ తర్వాత వరుణ్ తేజ్ వెంకీ అట్లూరి దర్శకత్వంలో ఒక మూవీ చేస్తున్నారు. శ్రీ వెంకటేశ్వర సినీ చిత్ర బ్యానర్లో బీవీఎస్ఎన్ ప్రసాద్ నిర్మిస్తున్న ఈ చిత్రం సెకండ్ షెడ్యూల్ జరుపుకుంటోంది. లండన్లోని అందమైన లొకేషన్లలో హీరో వరుణ్ తేజ్, హీరోయిన్ రాశీఖన్నాలపై రొమాంటిక్ సన్నివేశాలను తెరకెక్కిస్తున్నారు.
ఈ రొమాంటిక్ ఎంటర్ టైనర్ కి పవన్ కళ్యాణ్ సూపర్ హిట్ మూవీ తొలిప్రేమ టైటిల్ ని ఫిక్స్ చేసినట్లు ఫిలిం నగర్ వర్గాల వారు చెబుతున్నారు. ఈ టైటిల్ రీసెంట్ గా ఫిలిం ఛాంబర్ లో రిజిస్టర్ చేయించారని, అది వరుణ్ తేజ్ కోసమేనని ప్రచారం జోరుగా ప్రచారం సాగుతోంది. తన పెదనాన్న చిరంజీవి, బాబాయ్ పవన్ కళ్యాణ్ అంటే చాలా ఇష్టం ఉన్నప్పటికీ ఎప్పుడూ తాను సినిమాల్లో వాడుకోలేదు. అటువంటి వరుణ్ తొలిసారి బాబాయ్ సినిమా పేరుని ఒకే చెబుతాడా? లేదా? అనేది .. కొన్ని రోజుల్లో తెలియనుంది.
Also, do SUBSCRIBE to our YouTube channel to get latest Tollywood updates.
