‘వెంకీ మామ’ లేటెస్ట్ అప్డేట్

‘పవర్’ ‘సర్దార్ గబ్బర్ సింగ్’ ‘జై లవ కుశ’ వంటి చిత్రాలను డైరెక్ట్ చేసిన బాబీ దర్శకత్వంలో తెరకెక్కుతున్న తాజా మల్టీ స్టారర్ చిత్రం ‘వెంకీ మామ’. విక్టరీ వెంకటేష్ ,నాగ చైతన్య లు హీరోలుగా నటిస్తున్న ఈ చిత్రాన్ని సురేష్ ప్రొడక్షన్స్ బ్యాంనేర్ పై సురేష్ బాబు నిర్మిస్తున్నారు. గత కొంత కాలంగా చైతూ కు సరైన హిట్ లేదు. ‘యుద్ధం శరణం’ ‘సవ్యసాచి’ వంటి చిత్రాలు డిజాస్టర్లు కాగా ‘శైలజా రెడ్డి అల్లుడు’ యావరేజ్ గా నిలిచింది. అల్లుడికి మంచి హిట్ ఇవ్వాలని వెంకటేష్, సురేష్ బాబు గట్టిగా ప్రయత్నిస్తున్నారట.

‘వెంకీ మామ’ చిత్ర రెగ్యులర్ షూటింగ్ ను ఇటీవలే మొదలుపెట్టారు . నవంబర్ 17 నుండీ మొదలైన ఈ చిత్ర షూటింగ్ లో ఇప్పటివరకూ నాగ చైతన్య మాత్రమే పాల్గొన్నాడు. వెంకటేష్ ‘ఎఫ్2’ చిత్రం పోస్ట్ ప్రొడక్షన్ పనుల్లో బిజీగా ఉండడంతో ఇప్పటి వరకూ షూటింగ్లో పాల్గొనలేకపోయాడు. అయితే ఇప్పుడు ‘ఎఫ్2’ పనులు పూర్తి చేసుకుని తాజాగా వెంకటేష్ కూడా చైతు తో కలిసి షూటింగ్ లో జాయిన్ అయ్యారట. రజినీ కాంత్ ‘కాలా’ చిత్రంలో హీరోయిన్ గా నటించిన హుమా క్యూరేషి ‘వెంకీ మామ’ చిత్రంలో వెంకటేష్ కు జంటగా నటిస్తుండగా నాగ చైతన్య సరసన రకుల్ ప్రీత్ సింగ్ నటిస్తుంది.