“గోపాల గోపాల” సినిమాలో పవర్ స్టార్ పవన్ కల్యాణ్, విక్టరీ వెంకటేశ్ కలిసి నటించారు. వీరిద్దరు మరోసారి కలిసి కనిపించనున్నారు. ప్రస్తుతం పవన్కల్యాణ్, త్రివిక్రమ్ దర్శకత్వంలో ఓ సినిమా చేస్తున్నారు. ఈ మూవీ రెండు రోజులుగా అమీర్ పేట్ లోని సారధి స్టూడియోలో యాక్షన్ సీన్ తెరకెక్కిస్తున్నారు. ఈ షూటింగ్ లోకి వెంకటేష్ జాయిన్ అయ్యారు. దీంతో పవన్ చిత్రంలో వెంకటేశ్ అతిథి పాత్రలో కనిపించబోతున్నట్లు బయటికి వచ్చింది. వీరిద్దరితో కూడిన సన్నివేశాలను ఇప్పుడు చిత్రీకరిస్తున్నట్లు సమాచారం. వీరిద్దరూ కలిసి నటించిన “గోపాల గోపాల” సూపర్ హిట్ అయింది.
ఈ మూవీ కూడా సూపర్ హిట్ అవుతుందని పవన్, వెంకటేష్ అభిమానులు ఆనందం వ్యక్తం చేస్తున్నారు. హారిక హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీలో హీరోయిన్లుగా అను ఇమ్మానియేల్ , కీర్తి సురేష్ లు నటిస్తుండగా ఖుష్బూ కీలక పాత్రలో కనిపించనున్నారు. యువ హీరో ఆది పినిశెట్టి స్టైలిష్ విలనిజంతో మరో మారు ఆకట్టుకోనున్నారు.
Also, do SUBSCRIBE to our YouTube channel to get latest Tollywood updates.
