సినిమా బయట చూసేంత సులభంగా సిద్ధమవ్వదు. యాక్షన్‌ సన్నివేశాలు, ఎమోషనల్‌ సీన్స్‌ దగ్గరకు వచ్చేసరికి అస్సలు సులభం కాదు. సినిమాల మేకింగ్‌ వీడియోలు వచ్చినప్పుడు మనకు ఆ విషయం తెలుస్తూ ఉంటుంది. ఏముంది సినిమా అంటే నటనే కదా… ఫైట్లు, యాక్షన్‌ సీన్లూ కూడా అలానే తీసేస్తారు అనుకోవడానికి లేదు. కుర్ర హీరోల సంగతి పక్కనపెడదాం.. సీనియర్‌ స్టార్‌ హీరోలు కూడా ఈ మధ్య ఫైట్స్‌లో డూప్‌ లేకుండా చేస్తున్నారు.
‘నారప్ప’గా వెంకటేశ్‌ ఇటీవల ప్రేక్షకుల ముందుకొచ్చారు. సినిమాలో వెంకీ నటనకు ప్రేక్షకులు ఫిదా అయిపోయారు. తనదైన శైలిలో పాత్రలో ఒదిగిపోయి వెంకీ వావ్‌ అనిపించాడు అని మెచ్చుకుంటున్నారు. అలాగే సినిమాలో యాక్షన్‌ సీన్స్‌లోనూ వెంకీ బాగా చేశాడంటున్నారు. కోపం, ఎమోషన్స్‌.. ఇలా అన్నీ పండించే సత్తా వెంకీకి ఉంది. ఇలాంటి సీన్లు సినిమాలో చాలా ఉన్నాయి. వాటి మేకింగ్‌ వీడియో తాజాగా విడుదలైంది. బల్లెంతో వెంకీ ఫైట్‌ చేసే సీన్, కోపంగా అరిచే సీన్ లాంటివి ఈ మేకింగ్‌ వీడియోలో చూపించారు.
యాక్షన్‌ కొరియోగ్రాఫర్‌ పీటర్‌ హెయిన్స్‌ చెబుతుంటే… మన వెంకీ భలే చేశాడబ్బా. కావాలంటే దిగువ వీడియో మీరూ చూడండి. నిజానికి ఇలాంటి సీన్స్‌కి థియేటర్‌లో విజిల్స్‌ మారుమోగుతాయి. అయితే ఓటీటీలో రావడం వల్ల ఆ ఫీల్ మిస్‌ అయ్యాం. చిన్న తెర మీద కూడా బాగుందనుకోండి.
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home