మనసుకు హత్తుకునే కథలతో సినిమాలు డైరక్ట్ చేసే క్రిష్ ఇప్పుడిప్పుడే కమర్షియల్ చిత్రాలవైపు అడుగులు వేస్తున్నారు. ఆయన తెరకెక్కించిన గమ్యం, వేదం, కృష్ణం వందే జగద్గురుం చిత్రాలు విమర్శకుల ప్రశంసలు అందుకున్నాయి. కంచె ఏకంగా జాతీయ అవార్డు కైవశం చేసుకుంది. దీంతో టాలీవుడ్ స్టార్ హీరోల దృష్టిలో పడిన క్రిష్, నట సింహ నందమూరి బాలకృష్ణ ప్రతిష్టాత్మక ప్రాజెక్ట్ ని సొంతం చేసుకున్నారు. గౌతమీపుత్ర శాతకర్ణి సినిమాను డైరక్ట్ చేస్తున్నారు. ప్రొడక్షన్ వర్క్ పూర్తి చేసుకొని పోస్ట్ ప్రొడక్షన్ దశకు చేరిన ఈ మూవీ సంక్రాంతికి బరిలో దిగనుంది.
ఈ ప్రాజక్ట్ పూర్తి కాకముందే క్రియేటివ్ డైరెక్టర్ మరో స్టార్ హీరో తో సినిమా ఛాన్స్ కొట్టేశారు. విక్టరీ వెంకటేష్ తో సినిమా చేయడానికి క్రిష్ సిద్ధమయ్యారు. ప్రస్తుతం వెంకీ గురు సినిమాను పూర్తి చేసి కిశోర్ తిరుమల(“నేను శైలజ” ఫేం) దర్శకత్వంలో “ఆడాళ్లు మీకు జోహార్లు” మూవీ చేస్తున్నారు. దీని తర్వాత క్రిష్ దర్శకత్వంలో సినిమా చేసేందుకు అంగకీరించారు. గతంలో క్రిష్ దర్శకత్వంలో వచ్చిన కృష్ణం వందే జగద్గురుంలోని ఓ పాటలో వెంకీ స్టెప్పులు వేశారు. ఇప్పుడు పూర్తి మూవీ చేయనున్నారు. ఈ కాంబినేషన్ ఇంట్రెస్టింగ్ గా ఉంది. మరి సినిమా ఇంకెంత ఇంట్రెస్ట్ గా ఉంటుందో చూడాలి.
Also, do SUBSCRIBE to our YouTube channel to get latest Tollywood updates.
