డైరెక్టర్ వేణు శ్రీరామ్ ఎప్పటినుంచో అల్లు అర్జున్ తో సినిమా చేయాలని భావించారు. ఐకాన్ అనే పేరుతో ఈ సినిమాని చేయాలని వేణు శ్రీరామ్ ప్రయత్నాలు చేస్తున్నారు. అయితే అల్లు అర్జున్ మాత్రం ఈ సినిమాని వెనక్కి నెట్టేస్తూ వస్తున్నారు. ఈ విధంగా అల్లు అర్జున్ ఈ సినిమాను పట్టించుకోకపోవడంతో డైరెక్టర్ వేణు శ్రీరామ్ పవన్ కళ్యాణ్ తో వకీల్ సాబ్ అనే సినిమాని చేశారు. ఈ సినిమా సూపర్ హిట్ కావడంతో మరోసారి అల్లు అర్జున్ వేణు శ్రీరామ్ కాంబో మూవీ తెరపైకి వచ్చింది.
ఈ సినిమా కథ విషయంలో అల్లు అర్జున్ ఏ మాత్రం సాటిస్ఫై కాకపోవడంతో ఈ సినిమా కోసం ఎలాంటి నిర్ణయం తీసుకోలేకపోతున్నారు అందుకే ఈ సినిమాని ఆలస్యం చేస్తూ వచ్చారు..వకీల్ సాబ్ సినిమా సక్సెస్ అయిన తర్వాత ఈ సినిమా కచ్చితంగా ఉంటుందని భావించారు కానీ అల్లు అర్జున్ పుష్ప సినిమాతో పాన్ ఇండియా హీరోగా మారిపోయారు. ఇలా పాన్ ఇండియా స్థాయిలో అల్లు అర్జున్ ఎంతో మంచి క్రేజ్ సొంతం చేసుకోవడమే కాకుండా ప్రస్తుతం ఈయన పుష్ప 2 సినిమా షూటింగ్ పనులలో బిజీగా ఉన్నారు.
ఈ సినిమా అయిపోయిన తర్వాత అల్లు అర్జున్ వరుసగా డైరెక్టర్లను లైన్ లో పెట్టారు. దీంతో వేణు శ్రీరామ్ ఐకాన్ ప్రాజెక్టు తెరపైకి వచ్చే సూచనలు కనపడకపోవడంతో అల్లు అర్జున్ కు చెప్పినటువంటి ఈ కథతో డైరెక్టర్ వేణు శ్రీరామ్ నితిన్ తో సినిమా చేయబోతున్నారని తెలుస్తోంది. నితిన్ కు అనుగుణంగా కథలో మార్పులు చేసి ఈ సినిమాని తెరకెక్కించబోతున్నారని తెలుస్తోంది.
ఇక నితిన్ కి సైతం గత కొంతకాలంగా సరైన హిట్ పడలేదని చెప్పాలి భీష్మ సినిమా తర్వాత నితిన్ సరైన హిట్ కొట్టకపోవడంతో ఈయన ఎలాగైనా హిట్టు కొట్టాలన్న ఉద్దేశంతో ప్రస్తుతం వరుస సినిమాలకు కమిట్ అయ్యారు. ఈ క్రమంలోనే ఈయన వక్కంతం వంశీ దర్శకత్వంలో సినిమా చేస్తున్నారు ఈ సినిమా పూర్తి కాగానే వెంకీ కుడుముల దర్శకత్వంలో మరో సినిమా చేస్తున్నారు. ఈ సినిమా అనంతరం (Venu Sriram) వేణు శ్రీరామ్ దర్శకత్వంలో నితిన్ నటించబోతున్నారని తెలుస్తోంది.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
Home