ప్రముఖ జ్యోతిష్కుడు వేణుస్వామి ప్రభాస్ జాతకం గురించి చాలాసార్లు నెగిటివ్ గా కామెంట్లు చేసిన సంగతి తెలిసిందే. ప్రభాస్ జాతకం గురించి వేణుస్వామి ఇష్టానుసారం మాట్లాడటం ప్రభాస్ (Prabhas) అభిమానులను సైతం బాధ పెట్టింది. ప్రభాస్ పెద్దమ్మ శ్యామలాదేవి ఒక ఇంటర్వ్యూలో వేణుస్వామిపై ఫైర్ అయ్యారు. ప్రభాస్ జాతకం ఎవరికీ తెలియదని వేణుస్వామికి ఎలా తెలిసిందంటూ ఆమె సంధించిన ప్రశ్నలు సైతం నెట్టింట వైరల్ అయ్యాయి. అయితే మిర్చి సినిమాలో వైరల్ అయిన డైలాగ్ తో వేణుస్వామి ఆయన భార్యతో కలిసి రీల్ చేయడం నెట్టింట హాట్ టాపిక్ అవుతోంది.
వేణుస్వామి ఏమిటీ ఈ అరాచకం అంటూ వీడియోను నెటిజన్లు షేర్ చేస్తున్నారు. ఇట్లాంటి అమ్మాయే కావాలని ఏమైనా ఉన్నాయా? అని వీణా శ్రీవాణి అడగగా చదువుకున్న అమ్మాయి అయితే బెటర్ అంటూ వేణుస్వామి సమాధానం చెబుతాడు. ఆ తర్వాత వీణా శ్రీవాణి “ఏంటి బెటర్.. తింటావా చదువుని.. చదువుకున్న కాడి నుండి నువ్వూనేను సమానం బొంగూ బోషాణం అని ప్రతిరోజూ గొడవలు.. పుట్టే పిల్లలకు ఏబీసీడీలు ఒంట్లు నేర్పించుకుంటే చాలు.. కొంచెం వాడండయ్యా” అనే డైలాగ్స్ తో ఉండే రీల్ చేశారు.
రీల్ లో వీణా శ్రీవాణి ఎక్స్ ప్రెషన్లు మాత్రం అదిరిపోయాయనే చెప్పాలి. ప్రభాస్ వాయిస్ ను వేణుస్వామి ఇమిటేట్ చేయడం నెట్టింట హాట్ టాపిక్ అవుతోంది. వేణుస్వామి భవిష్యత్తులో ఇన్ స్టాగ్రామ్ రీల్స్ ద్వారా మరింత ఫేమస్ అవుతారేమో అంటూ కొంతమంది నెటిజన్లు కామెంట్లు చేస్తున్నారు. వేణుస్వామి పలు సినిమాలలో సైతం గెస్ట్ రోల్స్ లో నటించారనే సంగతి తెలిసిందే.
ఏపీ ఎన్నికల ఫలితాలను వేణుస్వామి ముందే అంచనా వేయగా ఆయన అంచనాలు నిజమవుతాయో అబద్ధమవుతాయో చూడాలి. వేణుస్వామి చెప్పిన జాతకాలు నిజం కాకపోతే ఆయనను ట్రోల్ చేసేవాళ్లు సైతం ఎక్కువమంది ఉన్నారు. వేణుస్వామి పాజిటివ్ అంశాల కంటే నెగిటివ్ అంశాల గురించి ఎక్కువగా వెల్లడిస్తూ ఉండటం గమనార్హం. వేణుస్వామి చెప్పని విషయాలు సైతం చెప్పినట్టుగా నెట్టింట పలు సందర్భాల్లో వైరల్ అయ్యాయి.
https://twitter.com/hopekolli_babu/status/1774332307421446346
