వేణు తొట్టెంపూడి.. ఒకప్పుడు ఈయన సినిమాలు ‘ఫన్-ఫిల్ ఎంటర్టైనర్స్’ అనే ఫీలింగ్ ను ఇచ్చేవి.అదే టైంలో మంచి ఎమోషనల్ కనెక్టివిటీ కూడా ఉండేవి అనడంలో అతిశయోక్తి లేదు. ‘స్వ‌యంవ‌రం’, ‘చిరున‌వ్వుతో’ ‘హనుమాన్ జంక్షన్’ ‘పెళ్ళాం ఊరెళితే’ వంటి చిత్రాలు ఇతన్ని స్టార్ గా నిలబెట్టాయి. అయితే యంగ్ హీరోల జోరు పెరగడంతో ఇతను కొన్నాళ్ళు కనిపించలేదు. `దమ్ము` సినిమాలో అలా కనిపించి తర్వాత మాయమైపోయాడు. ఓ విధంగా ఆ సినిమాతో వేణు మళ్ళీ బిజీ అవ్వడం గ్యారెంటీ అని అంతా అనుకున్నారు.
ఎన్టీఆర్ – బోయ‌పాటి శ్రీ‌ను కాంబినేష‌న్‌లో వచ్చిన ఆ మూవీలో వేణు కూడా నటించాడు అని ప్రత్యేకంగా చెప్పుకోవాల్సి వస్తుంది అంటే ఆ పాత్ర పండలేదు అని అర్ధం చేసుకోవచ్చు. క్యారెక్ట‌ర్ ఆర్టిస్టుకి తక్కువ.. జూనియ‌ర్ ఆర్టిస్టుకి ఎక్కువ అన్నట్టు ఉంటుంది ఆ పాత్ర. చాలా కాలం తర్వాత మ‌ళ్లీ `రామారావు ఆన్ డ్యూటీ` చిత్రంతో వేణు రీ ఎంట్రీ ఇవ్వబోతున్నాడు. ఈ సినిమాప్రమోషన్స్ లో భాగంగా ‘ద‌మ్ములో’ లో తన పాత్ర గురించి స్పందించాడు వేణు.
‘దమ్ము’ లో ‘షోలే’ లో అమితాబ్ లాంటి పాత్ర నీది’.. అని దర్శకుడు వేణుకి చెప్పాడట.అసలే హిట్లున్న దర్శకుడు కదా మంచి పాత్రే డిజైన్ చేసి ఉంటాడు అని వేణు గుడ్డిగా నమ్మేసి ఆ సినిమాలో నటించడానికి ఒప్పేసుకున్నాడు అన్నట్టు తాజాగా చెప్పుకొచ్చాడు. కానీ ఎడిటింగ్ లో అతనివి చాలా సీన్లు తీసేయడం జరిగింది. ” ‘షోలే’లో అమితాబ్ పాత్ర అన్నారు. తీరా చూస్తే ఏం జ‌రిగిందో మీకు తెలుసు. ఆ సినిమాలో అమితాబ్ చ‌నిపోయిన‌ట్టు.. ‘దమ్ము’లో నేను చ‌నిపోతాను.
ఈ రెండు సినిమాల మ‌ధ్య పోలిక అదొక్క‌టే” అంటూ వేణు ఆ సినిమాని తలుచుకుని ఫన్నీ కామెంట్స్ చేసాడు. అలా అని ఆ సినిమాలో నటించినందుకు నేనేమి రిగ్రెట్ ఫీల్ అవ్వలేదు. ‘ఇదొక జర్నీ’. ఈ జర్నీలో నన్ను వెతుక్కుంటూ వచ్చిన పాత్ర‌ల్ని గౌర‌వించుకుంటూ వెళ్ళిపోయాను. ఓ త‌ప్పు జరిగింది. అలా అని ఆ జర్నీని అక్క‌డితో ఆపేయలేం కదా“ అంటూ చెప్పుకొచ్చాడు. `
Most Recommended Video
ఈ 10 మంది దర్శకులతో కనుక గోపీచంద్ సినిమాలు తీస్తే.. యాక్షన్ మూవీ లవర్స్ కు పండగే..!
డిజాస్టర్ టాక్ తో కూడా రూ.70 కోట్లు పైగా కలెక్ట్ చేసిన 10 సినిమాల లిస్ట్..!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
