హాట్ టాపిక్ అయిన విద్యాబాలన్ పారితోషికం

తెలుగు సినీ అభిమానులు ఎంతగానో ఎదురుచూస్తున్న సినిమా ఎన్టీఆర్ బయోపిక్. ఈ ప్రాజక్ట్ తేజ నుంచి క్రిష్ చేతికివచ్చిన తర్వాత మరింత ఇంట్రస్టింగ్ గా మారింది. మనదేశం సినిమాతోనే నటుడిగా ఎన్టీఆర్ ప్రస్థానం మొదలయింది. అందుకే అదే గెటప్ తోనే సినిమా షూటింగ్ మొదలెట్టారు. అలాగే రీసెంట్ గా మాయాబజార్ సినిమా సన్నివేశాలను కూడా చిత్రీకరించారు. మరికొన్ని సన్నివేశాలతో కలుపుకొని మొదటి షెడ్యూల్ ని విజయవంతమగా పూర్తి చేశారు. ఈ షెడ్యూల్ లో సీనియర్ నటుడు కైకాల సత్యనారాయణ తో పాటు బాలీవుడ్ నటి విద్యాబాలన్ కూడా పాల్గొంది. ఆమె ఇందులో మహానటుడు భార్య బసవతారకమ్మ పాత్రలో కనిపించనున్న సంగతి తెలిసిందే. బాలకృష్ణ తర్వాత ఎక్కువగా నిడివి ఉన్న పాత్ర ఈమెది. అందుకే కొంచెం ఎక్కువ రెమ్యునరేషన్ ఇవ్వడం సహజం.

కానీ ఆమె తీసుకోబోతున్న పారితోషికం తెలిసి అందరూ ఆశ్చర్య పోతున్నారు. ఏకంగా కోటిన్నర రూపాయలు అందుకోబోతున్నట్లు ఫిలిం నగర్లో వార్త చక్కర్లు కొడుతోంది. అందుకే ఈ న్యూస్ హాట్ టాపిక్ అయింది. ఆమె ఒక్కరికే అంత చెల్లిస్తే.. మిగతా నటీనటులకు, టెక్నీషియన్లను ఎంత చెల్లించాలి? ప్రొడక్షన్ ఖర్చు ఎంతవుతుంది? తలచుకుంటేనే.. అవలీలగా 50 కోట్లు దాటిపోయేలా ఉంది. దీనిని బట్టి చూస్తుంటే బాలకృష్ణ ఈ ప్రాజక్ట్ ని ఎంత ప్రిస్టేజియస్ గా భావిస్తున్నారో అర్ధమవుతోంది. సాయి కొర్రపాటి, విష్ణు ఇందూరిలతో కలిసి బాలయ్య నిర్మిస్తున్న ఈ మూవీ సంక్రాంతికి థియేటర్లోకి రానుంది.