తమిళ అమ్మాయి విద్యుల్లేఖ రామన్ తెలుగు చిత్ర పరిశ్రమలో హాస్యనటిగా మంచి పేరు తెచ్చుకుంది. తనదైన ప్రత్యేక డైలాగ్ డెలివిరీతో రన్ రాజా రన్, రాజు గారి గది, సరైనోడు, ఆనందో బ్రహ్మ సినిమాల్లో మెప్పించింది. తాజాగా భాగమతి, తొలి ప్రేమ చిత్రాల్లోనూ బాగానే నవ్వించింది. ప్రస్తుతం వెంకీ అట్లూరి దర్శకత్వంలో అఖిల్ చేస్తున్న సినిమాలో నటిస్తోంది. ఇందుకోసం ఆమె లండన్ వెళ్ళింది. షూటింగ్ లో జాయిన్ అయింది. ఈ చిత్రంలో తెగ నవ్వించనున్నట్లు తెలిసింది. అక్కడ ఓ ఇంటర్వ్యూ లో మాట్లాడుతూ అనేక ఆసక్తికర సంగతులు చెప్పింది. తన సినీ కెరీర్ లో 500 పైగా చిత్రాలను చేయాలనే కోరికను బయట పెట్టింది.
ఆమె జోరు చూస్తుంటే ఆ మార్క్ ని క్రాస్ చేసే అవకాశం కనిపిస్తోంది. అయితే మరో కోరిక మాత్రం తీరేలా లేదు. విద్యుల్లేఖ రామన్ కి పవన్ కళ్యాణ్ అంటే చాలా ఇష్టమట. అతని సినిమాలో నటించాలనేది తన కల అని వెల్లడించింది. కానీ పవన్ రాజకీయాల్లో బిజీ కావడంతో తన కల నెరవేరుతుందా? లేదా? అని ఆవేదన వ్యక్తం చేసింది. అలాగే మెగాస్టార్ చిరంజీవి సినిమాలో కాసేపు కనిపించాలనే కోరికను బయటపెట్టింది. ఈ డ్రీమ్ మాత్రం తొందర్లోనే నెరవేరుతుందని సినీ విశ్లేషకులు భావిస్తున్నారు.
