మళ్ళీ రష్మికే కావాలంటున్న విజయ్

ఈమధ్య స్టార్ హీరోలు మాత్రమే కాదు యంగ్ హీరోస్ కూడా సెంటిమెంట్ కాంబినేషన్స్ ను పక్కన పెట్టి కంఫర్ట్ జోన్ చూసుకొంటున్నారు. నితిన్ ఆల్రెడీ ‘లై”లో తనకి జోడీ కట్టిన మేఘా ఆకాష్ ను వెంటనే తన నెక్స్ట్ సినిమా కోసం సెలక్ట్ చేసుకొన్నాడు. బ్యాక్ టు బ్యాక్ సినిమాలు చేస్తుండడంతో వారిద్దరిపై రకరకాల గాసిప్పులు వచ్చినా కూడా పెద్దగా పట్టించుకోలేదు. ఆల్రెడీ “లై” సినిమాలో నటించేప్పుడే ఇద్దరికీ మంచి కెమిస్ట్రీ వర్కవుట్ అయ్యింది. మళ్ళీ ఇప్పుడు ఇంకో హీరోయిన్ తో సింక్ అవ్వడానికి టైమ్ పడుతుంది కాబట్టే ఆమెను కథానాయికగా కంటిన్యూ చేశాం అని చెప్పాడు నితిన్ మొన్నామధ్య మీడియా అడిగిన ప్రశ్నలకు సమాధానంగా.

ఇప్పుడు అదే తరహాలో విజయ్ దేవరకొండ కూడా ప్రస్తుతం పరశురామ్ దర్శకత్వంలో నటిస్తున్న సినిమాలో కథానాయికగా నటిస్తున్న రష్మికను తన తదుపరి చిత్రంలో కూడా కథానాయికగా ఫైనల్ చేశాడట. భరత్ కమ్మా దర్శకుడిగా పరిచయమవుతుండగా కాకినాడ నేపధ్యంలో తెరకెక్కనున్న ఈ చిత్రంలో విజయ్ దేవరకొండ ఆంధ్రా యువకుడిగా కనిపించనుండడం విశేషం. ఇకపోతే “ఛలో”తో తెలుగులో మంచి డెబ్యూ ఇచ్చిన రష్మికకి మంచి క్రేజ్ ఏర్పడింది. త్రివిక్రమ్-ఎన్టీయార్ ల క్రేజీ కాంబో మూవీలో కూడా కథానాయికగా రష్మికను ఎన్నుకొనే అవకాశాలున్నాయని వినికిడి. చూస్తుంటే.. ఈ కూర్గ్ సుందరి తెలుగులో స్టార్ హీరోయిన్ గా ఎదిగేలా ఉంది.