గౌతమ్ మీనన్ దర్శకత్వంలో విజయ్ దేవరకొండ!

“అర్జున్ రెడ్డి” విడుదలై నెల గడుస్తున్న ఇప్పటికీ ఆ సినిమా ఏదో విధంగా సంచలనాలు సృష్టిస్తూనే ఉంది. ఆ సినిమా ద్వారా డైరెక్టర్ సందీప్ రెడ్డి వంగా, హీరోయిన్ షాలిని పాండేలకంటే ఎక్కువ క్రేజ్ సంపాదించుకోవడంతోపాటు వరుస ఆఫర్స్ దక్కించుకొన్న ఏకైక వ్యక్తి విజయ్ దేవరకొండ. ఆల్రెడీ అరడజనుకు పైగా ప్రొజెక్ట్స్ క్యూలో ఉండగా.. తాజాగా విజయ దేవరకొండకు మరో బంపర్ ఆఫర్ వచ్చింది. అది కూడా సెన్సిబుల్ డైరెక్టర్ గౌతమ్ మీనన్ దర్శకత్వంలో నటించే అద్భుతావకాశం.

ఇటీవల విక్రమ్ కుమారుడు ధృవ్ ను తమిళంలో లాంచ్ చేయడం కోసం “అర్జున్ రెడ్డి” చిత్రాన్ని చూసిన గౌతమ్ మీనన్ మరో ఆలోచన లేకుండా ఆ సినిమాను ధృవ్ లాంచింగ్ మూవీగా సెలక్ట్ చేయడమే కాక.. ఆ సినిమాలో విజయ్ దేవరకొండ యాక్టింగ్ చూసి మెస్మరైజ్ అయ్యి తాను ఎప్పుడో రాసుకొన్న ఓ రియలిస్టిక్ లవ్ స్టోరీకి విజయ్ అయితే సరిగ్గా సరిపోతాడని భావించి విజయ్ ని సంప్రదించినట్లు తెలుస్తోంది. గౌతమ్ మీనన్ నుంచి కాల్ రావడంతో ఎగిరి గెంతేసాడట విజయ్. మరి ఈ ప్రొజెక్ట్ ఎప్పుడు స్టార్ట్ అవుతుందో తెలియదు కానీ.. ఔట్ పుట్ మాత్రం రెగ్యులర్ సినిమాలకు భిన్నంగా.. మరో కల్ట్ గా తయారవుతుందనడంలో ఎలాంటి సందేహం లేదు.