పరశురామ్ కొత్త చిత్రంలో విజయ్ దేవరకొండ, లావణ్య త్రిపాఠి

పెళ్లి చూపులు సినిమాతో విజయ్ దేవరకొండ ఫుల్ బిజీ అయిపోయారు. అతను హీరోగా నటించిన అర్జున్ రెడ్డి రిలీజ్ కావడానికి సిద్ధంగా ఉంది. అంతేకాకుండా మహానటి సావిత్రి బయోపిక్ లోను నటిస్తున్నారు. తాజాగామరో సినిమాకి గ్రీన్ సిగ్నల్ ఇచ్చారు. శ్రీరస్తు శుభమస్తు సినిమాతో విజయాన్ని అందుకున్న పరుశురాం రొమాంటిక్ కామెడీ ఎంటర్‌టైనర్‌ ని తెరకెక్కించనున్నారు. గీతా ఆర్ట్స్ బ్యానర్ అనుబంధ సంస్థ జీఏ2 పిక్చర్స్‌లో  అల్లు అరవింద్ నిర్మించనున్న ఈ సినిమాలో విజయ్ దేవరకొండ హీరోగా ఎంపిక అయ్యారు. హీరోయిన్ గా లావణ్య త్రిపాఠి సెలక్ట్ అయింది.

శ్రీరస్తు శుభమస్తు లో లావణ్య నటనను ఇష్టపడిన పరుశురాం ఇందులోనూ అవకాశం ఇచ్చారు. అయితే విజయ్, లావణ్య ల కాంబినేషన్ కొత్తగా ఉందని సినీ విశ్లేషకులు చెబుతున్నారు. వీరి మధ్య లవ్ స్టోరీ మరింత అందంగా ఉంటుందని అంచనా వేస్తున్నారు. ప్రస్తుతం నాగచైతన్య ‘యుద్ధం శరణం’లో లావణ్య నటిస్తోంది. ఈ చిత్రం పూర్తి అయినా వెంటనే పరుశురాం బృందంతో కలవనుంది.

Also, do SUBSCRIBE to our YouTube channel to get latest Tollywood updates.