పూరికి.. ‘పోకిరి’ సిట్యుయేషన్ రిపీట్ అవుతుందా..?

ఎనర్జిటిక్ స్టార్ రామ్ హీరోగా డాషింగ్ డైరెక్టర్ పూరి జ‌గ‌న్నాథ్ డైరెక్షన్లో ఓ చిత్రం రాబోతున్న సంగతి తెలిసిందే. తాజాగా ఈ చిత్రానికి సంబందించిన ఫస్ట్ లుక్ పోస్టర్ ను కూడా విడుదల చేసయింది చిత్ర యూనిట్. ఇక ఈ చిక్ట్రానికి `ఇస్మార్ట్ శంక‌ర్‌` అనే పేరును కూడా పెట్టేసాడు పూరి. జనవరి లోనే షూటింగ్ మొద‌లెట్టి…. సమ్మర్ కానుకగా మే నెలలో విడుద‌ల చేయడానికి సన్నాహాలు చేస్తున్నాడు పూరి. ఈ చిత్రానికి సంగీత ద‌ర్శ‌కుడిగా మ‌ణిశ‌ర్మ‌ని ఎంచుకున్న‌ట్టు తెలుస్తుంది.గతంలో పూరి – మణిశర్మ కాంబినేషన్లో ‘పోకిరి’ ‘చిరుత’ ‘ఏక్ నిరంజన్’ ‘కెమరామెన్ గంగతో రాంబాబు’ వంటి మ్యూజికల్ హిట్స్ వచ్చిన సంగతి తెలిసిందే. అంతే కాదు ‘జూ.ఎన్టీఆర్ -పూరి’ కంబినేషన్లో వచ్చిన సూపర్ హిట్ చిత్రం ‘టెంపర్’ చిత్రానికి మణిశర్మ బ్యాక్ గ్రౌండ్ స్కోర్ ను కూడా అందించాడు. ఇక `ఇస్మార్ట్ శంక‌ర్‌` చిత్రాన్ని పూరి సొంత బ్యానర్ లోనే నిర్మిస్తుండడం విశేషం.

ఇక అస‌లు విషయానికి వస్తే `ఇస్మార్ట్ శంక‌ర్‌` చిత్రాన్ని మొదట సెన్సేషనల్ స్టార్ విజ‌య్ దేవ‌ర‌కొండ తో తెరకెక్కించాలని పూరి భావించాడట. ఈమ‌ధ్య పూరి – విజ‌య్ దేవ‌ర‌కొండను క‌ల‌సి కథ కూడా వినిపించాడట. అయితే.. విజ‌య్ కాల్షీట్లు ప్రస్తుతం కాళీ లేకపోవడంతో…. క‌థ న‌చ్చినప్పటికీ.. రిజెక్ట్ చేసాడట. ఇక ఏ మాత్రం లేట్ చేయకుండా పూరి రామ్ తో ఈ చిత్రాన్ని పట్టాలెక్కించేస్తున్నాడు. గతంలో కూడా పూరి ‘పోకిరి’ విషయంలో ఇదే జరిగిందట. మొదట ‘పోకిరి’ చిత్రాన్ని పవన్ కళ్యాణ్ తో చేయాలని అనుకున్నప్పటికీ.. పవన్ కొన్నాళ్ళు ఆగమని చెప్పడంతో.. ఆగకుండా పూరి మహేష్ తో తెరకెక్కించి ఇండస్ట్రీ హిట్ సాధించాడు. అప్పటి టైములో కూడా పూరి ఇలా ఫామ్ లో లేకపోవడం గమనార్హం. మరి ఇప్పుడు కూడా అదే ఫార్ములా రిపీట్ అయితే.. రామ్ అదృష్టవంతుడనే చెప్పాలి. ఇక ఇప్పుడు మిస్సయినప్పటికీ పూరి భవిష్యత్తులో విజ‌య్ తో క‌ల‌సి ఓ సినిమా చేయడానికి సిద్ధంగా ఉన్నాడంట..!