మనసులోని మాట బయట పెట్టిన విజయ్ దేవరకొండ!

యువ హీరో విజయ్‌ దేవరకొండ ని ఇప్పుడు అందరూ అర్జున్ రెడ్డి అని పిలుస్తున్నారు. ఆ చిత్ర విజయం అంతలా ప్రభావితం చేసింది. అర్జున్ రెడ్డి మూవీ తర్వాత  విజయ్ ప్రస్తుతం గీతా ఆర్ట్స్‌ 2 బ్యానర్‌ లో సినిమా చేస్తున్నారు. శ్రీరస్తు శుభమస్తుతో హిట్‌ కొట్టిన పరశురామ్‌ ఈ చిత్రానికి దర్శకత్వం వహిస్తున్నారు. పూర్తి ఫ్యామిలీ ఎంటర్‌టైన్‌మెంట్‌గా తెరకెక్కుతున్న సినిమాపై ఆసక్తి నెలకొని ఉంది. అయితే విజయ్ దేవరకొండకి ఒక రోల్ పై ఇంట్రెస్ట్ ఉందంట. అదే గ్యాంగ్ స్టర్ రోల్. ఈ విషయాన్నీ ఆయన స్వయంగా చెప్పారు. విజయ్‌ దేవర కొండా ప్రస్తుత హీరోయిన్‌ రష్మీక మందాన కన్నడలో గణేష్‌ సరసన చమక్‌ అనే చిత్రంలో నటిస్తోంది.

ఈ ఆడియో వేడుకలో పాల్గొన్న విజయ్, కన్నడ సూపర్ స్టార్ శివరాజ్ కుమార్ ముఫ్తీ ట్రైలర్‌ని చూసి తన మనసులోని మాటను బయటపెట్టారు. తనకు కూడా అలాంటి గ్యాంగ్‌స్టర్ నేపథ్యం ఉన్న చిత్రంలో నటించాలని ఉందని చెప్పారు. ఈ యువ హీరో ఇమేజ్ చట్రంలో ఇరుక్కోకుండా తనకి సూటయ్యే పాత్రల్లో నటించడానికి ఇంట్రెస్ట్ చూపిస్తున్నారు. అందుకే సావిత్రి బయోపిక్ మహానటిలో చిన్న రోల్ అయినప్పటికీ నటిస్తున్నారు. అలాగే తెలుగులో నాలుగు విభిన్న కథలకు సైన్ చేశారు.