విజయ్ దేవరకొండకు మంచి అవకాశం

పెళ్లిచూపులు సినిమాతో హీరోగా చిత్రసీమలోకి అడుగుపెట్టిన విజయ్ దేవరకొండ మంచి అవకాశాన్ని దక్కించుకున్నారు. టాలీవుడ్ క్యూట్ బ్యూటీ కి జంటగా నటించే ఛాన్స్ అందిపుచ్చుకున్నారు. అభినేత్రి సావిత్రి జీవితం ఆధారంగా ప్రస్తుతం సినిమా రూపుదిద్దుకోనుంది. ఎవడే సుబ్రహ్మణ్యం సినిమాతో దర్శకుడిగా పరిచయమైన నాగ్ అశ్విన్ సావిత్రి నిజ జీవిత కథను వెండితెరపై ఆవిష్కరించనున్నారు. “మహానటి” అనే టైటిల్ ఖరారు చేసిన ఈ మూవీ ప్రీ లుక్ ని మహిళా దినోత్సవం సందర్భంగా నిన్న విడుదల చేశారు. స్వప్న సినిమా సమర్పణలో వైజయంతి మూవీస్ పతాకంపై నిర్మితమవుతున్న ఈ సినిమాలో మలయాళ బ్యూటీ కీర్తి సురేష్ సావిత్రి గా కనిపించనుంది.

ఇందులో సమంత జర్నలిస్ట్ గా నటించనుంది. సావిత్రి భ‌ర్త జెమిని గ‌ణేష‌న్ పాత్ర‌లో మ‌ల‌యాళ స్టార్ దుల్క‌ర్‌ను తీసుకున్నారు. ఇక సమంతకు జోడీగా విజ‌య్ దేవ‌ర‌కొండ ను ఖరారు చేశారు. అయితే విజ‌య్ దేవ‌ర‌కొండ చేసే పాత్రపై ఇంకా క్లారిటీ రాలేదు. ఏకకాలంలో తెలుగు, తమిళ భాషలో తెరకెక్కనున్న ఈ మూవీపై రెండు పరిశ్రమ వర్గాల్లో ఆసక్తి నెలకొని ఉంది.

Also, do SUBSCRIBE to our YouTube channel to get latest Tollywood updates.