“అర్జున్ రెడ్డి” చిత్రంలో టైటిల్ పాత్ర పోషించి విజయ్ దేవరకొండ ఎంతమంది పేరు సంపాదించుకొన్నాడు అనేది ప్రత్యేకించి వివరించాల్సిన అవసరం లేదు. అదే తరహాలో సాయిపల్లవి కూడా తొలి తెలుగు చిత్రమైన “ఫిదా”తోనే భానుమతిగా అఖిలాంధ్ర ప్రేక్షకుల్ని విశేషంగా ఆకట్టుకొంది. ఈ ఇద్దరూ కలిసి ఒక సినిమా చేస్తే ఎలా ఉంటుంది అనే ఆలోచన ఇప్పటివరకూ ఎవరికీ రాలేదు కానీ.. ఇద్దరూ తెలంగాణ యాసలో స్పెషలిస్ట్ లు కాబట్టి ఈ ఇద్దరు కలిసి ఒక తెలంగాణ పీరియాడిక్ డ్రామాలో యాక్ట్ చేస్తే బాగుంటుంది అనే ఆలోచన మాత్రం “నీదీ నాదీ ఒకే కథ” దర్శకుడు వేణు ఉడుగులకి వచ్చింది.
అందుకే ఈ ఇద్దరి కాంబినేషన్ ను ఫైనల్ చేసి.. త్వరలోనే సినిమా మొదలెట్టేందుకు సన్నద్ధమవుతున్నాడు వేణు. 90వ దశకం బ్యాక్ డ్రాప్ లో రూపొందనున్న ఈ ప్రేమకథ తెలంగాణ ప్రేమకథా చిత్రాన్ని ప్రస్తుతం శర్వానంద్ హీరోగా “పడి పడి లేచే మనసు” చిత్రాన్ని తెరకెక్కిస్తున్న నిర్మాణ సంస్థ నిర్మించనుంది. అయితే.. విజయ్ దేవరకొండ-సాయిపల్లవిల కాంబినేషన్ మాత్రం సెన్సేషన్ క్రియేట్ చేయడం ఖాయం.
Home
