‘వాట్‌ లగా దేంగే…’ దేశం మొత్తం తిరిగి విజయ్ దేవరకొండ (Vijay Devarakonda) చేసిన సందడి మీకు గుర్తుండే ఉంటుంది. ‘లైగర్‌’ (Liger) సినిమా కోసం ఆయన చేసిన ప్రచారంలో ‘లైగర్‌’ సినిమా పేరు కంటే ‘వాట్‌ లగా దేంగే’ అనేదే ఎక్కువగా వినిపించింది. అంతలా హంగామా చేశాడు. ఇక ఆయన ఓవర్‌ కాన్ఫిడెన్స్‌ (ఆయన ఓన్లీ కాన్ఫిడెన్స్‌ అంటాడు అనుకోండి) ఆయనకు గట్టిగా రిటార్ట్‌ ఇచ్చింది. దాంతో కాస్త సెట్‌ అయ్యాడు అనిపించిన విజయ్… ఇప్పుడు ‘ఫ్యామిలీ స్టార్’ కోసం మళ్లీ జోరు కామెంట్స్‌ చాలానే చేస్తున్నాడు.
‘గీత గోవిందం’(Geetha Govindam), ‘ఫ్యామిలీ స్టార్’ (Family Star) సినిమాల కథలు విన్నప్పుడు పరశురామ్‌ (Parasuram) చెప్పే విధానం చూసి విజయ్‌కు నవ్వు వచ్చిందట. మన ఇంట్లో జరిగే కథలా ఈ సినిమా ఉంటుంది అంటూ విజయ్ సినిమాను అందరికీ దగ్గర చేసే ప్రయత్నం చేస్తూనే ఉన్నాడు. ఇలాంటి సినిమా ఏ హీరోకు వచ్చినా వదులుకోడు అంటూ ఆ సినిమాలో ఏదో స్పెషాలిటీ ఉందని చెప్పే ప్రయత్నమూ చేశాడు. గతంలో ‘లైగర్‌’ సినిమా విషయంలోనూ ఇలాంటి సినిమా ఎవరికి వచ్చినా వదలరు అని అన్నట్లు గుర్తు.
ఈ సినిమా గురించి కొన్నేళ్లపాటు జనాలు మాట్లాడుకుంటారు అని విజయ్ తాజాగా కామెంట్‌ చేశాడు. మామూలుగా అయితే ఈ సినిమా విజయం సాధిస్తుందని, భారీ విజయం అందుకుంటుందని, వందల కోట్లు తెచ్చి పెడుతుంది అని అంటుంటారు మన హీరోలు. అయితే కొన్నేళ్లపాటు గుర్తుండిపోయే సినిమా అంటే కళాఖండం అని చెప్పొచ్చు. ఈ నేపథ్యంలో సినిమా మీద అంచనాలు బాగా పెంచేశాడు విజయ్.
మామూలు బజ్‌ వచ్చిన సినిమాకే ఆ బజ్‌ ఇచ్చే ప్రెజర్‌ ఎక్కువగా ఉంటుంది. మరి విజయ్ ఇంత హైప్‌ ఇచ్చాక ఎలాంటి కంటెంట్‌తో వస్తారు అనేదే ఇక్కడ ఆసక్తికరంగా మారింది. మామూలుగా అయితే విజయ్ – పరశురామ్‌ కాంబినేషన్‌ బ్లాక్‌బస్టర్‌.. కాబట్టి ఆ ఊపులో ఈ సినిమాకు కూడా అలాంటి ఫలితమే దక్కాలని ఆశిద్దాం. సినిమా రేపే వచ్చేస్తోంది కాబట్టి… విషయం తెలిసిపోతుంది.
Home