Vijay Deverakonda: మరో బాలీవుడ్ సినిమా ఒప్పుకున్నాడా..?

May 5, 2021 / 07:28 PM ISTByFilmy Focus

Join Us

Vijay Deverakonda: మరో బాలీవుడ్ సినిమా ఒప్పుకున్నాడా..?

‘అర్జున్ రెడ్డి’ సినిమాతో టాలీవుడ్ లో సెన్సేషనల్ హీరోగా మారాడు విజయ్ దేవరకొండ. ఈ సినిమా తరువాత అతడి క్రేజ్ అమాంతం పెరిగిపోయింది. అతడి తక్కువ సమయంలో టాలీవుడ్ లో స్టార్ స్టేటస్ అందుకున్నాడు. వరుస విజయాలతో మోస్ట్ వాంటెడ్ హీరో అయిపోయాడు. విజయ్ కి యూత్ లో ఉన్న ఫాలోయింగ్ అంతా ఇంతా కాదు. ఇన్స్టాగ్రామ్ లో అతడికి 11 మిలియన్ల మంది ఫాలోవర్లు ఉన్నారు. టాలీవుడ్ లో ఏ హీరోకి ఈ రేంజ్ లో ఫాలోయింగ్ లేదు.

బాలీవుడ్ లో కూడా విజయ్ కి క్రేజ్ ఏర్పడింది. జాన్వీ కపూర్, సారా అలీ ఖాన్ లాంటి తారలు విజయ్ తో కలిసి నటించాలని కోరుకుంటున్నారు. ఇదిలా ఉండగా.. ప్రస్తుతం విజయ్ దేవరకొండ.. దర్శకుడు పూరి జగన్నాథ్ రూపొందిస్తోన్న ‘లైగర్’ అనే సినిమాలో నటిస్తున్నాడు. పాన్ ఇండియా చిత్రంగా దీన్ని తెరకెక్కిస్తున్నారు. ఈ సినిమాతో విజయ్ బాలీవుడ్ లో ఎంట్రీ ఇవ్వబోతున్నాడు. అనన్య పాండే హీరోయిన్ గా నటిస్తోన్న ఈ సినిమా షూటింగ్ ప్రస్తుతం వాయిదా పడింది.

అయితే ఈ సినిమా రిలీజ్ కాకముందే విజయ్ మరో బాలీవుడ్ సినిమాకి గ్రీన్ సిగ్నల్ ఇచ్చాడని వార్తలు వస్తున్నాయి. అందులో స్టార్ హీరోయిన్ కత్రినా కైఫ్ హీరోయిన్ గా నటిస్తుందంటూ బాలీవుడ్ మీడియాలో కథనాలను ప్రచురిస్తున్నారు. రీసెంట్ గా కత్రినా.. విజయ్ ఇన్స్టాగ్రామ్ అకౌంట్ ని ఫాలో చేస్తుండడంతో ఈ వార్తలకు మరింత బలం చేకూరింది. అయితే ఈ ప్రాజెక్ట్ కి సంబంధించి ఎలాంటి ప్రకటన లేదు. త్వరలోనే అనౌన్స్మెంట్ వచ్చే ఛాన్స్ ఉందని అంటున్నారు. కత్రినా లాంటి స్టార్ హీరోయిన్ తో విజయ్ రొమాన్స్ అంటే సినిమా ఏ రేంజ్ లో ఉంటుందో ఊహించుకోవచ్చు!