బిగ్ బాస్ సీజన్స్ లో హౌస్ లోకి సెలబ్రిటీలు రావడం అనేది చాలా కామన్. అయితే ప్రతి సీజన్ కి ఒక గెస్ట్ రావడం అనేది కామన్ గా మారింది. ఇంతకీ ఎవరా గెస్ట్ అంటే.. మన విజయ్ దేవరకొండ అని తెలుస్తోంది. సీజన్ – 1, సీజన్ – 2, సీజన్ – 3 ఇలా అన్ని సీజన్స్ లో తన ఎంట్రీకి ప్రత్యేకమైన మార్క్ వేస్కున్నాడు విజయ్ దేవరకొండ. ముఖ్యంగా సీజన్ – 2 దీప్తి సునాయనతో ఆడుకున్న గేమ్ ఇప్పటికీ బిగ్ బాస్ లవర్స్ అందరికీ గుర్తుండిపోతుంది. ఇక సీజన్ – 3 లో రాహుల్ తో పునర్నవితో చేసిన ఫన్ కూడా ఎపిసోడ్ కి హైలెట్ అయ్యింది.
అయితే , ఇప్పుడు సీజన్ – 4 కోసం కూడా ఈ దసరాకి విజయ్ దేవరకొండ హౌస్ లోకి రాబోతున్నాడని చెప్తున్నారు. బిగ్ బాస్ టీమ్ విజయ్ డేట్ ని ఇప్పటికే బ్లాక్ చేశారని అంటున్నారు. అయితే ఇప్పుడు విజయ్ దేవరకొండ – నాగార్జున ఎపిసోడ్ లో వస్తాడా.. లేదా డైరెక్ట్ గా హౌస్ లోకి ఎంట్రీ ఇస్తాడా అనేది ఆసక్తికరం. అంతేకాదు, బిగ్ బాస్ సీజన్ లో ఈసారి నాగార్జున కొన్ని ఎపిసోడ్స్ దూరంగా ఉంటాడని, అప్పుడు విజయ్ దేవరకొండ యాంకరింగ్ కూడా చేసే అవకాశం ఉందని కూడా టాక్స్ వినిపిస్తున్నాయి.
ఏది ఏమైనా బిగ్ బాస్ హౌస్ లోకి, స్టేజ్ పైకి విజయ్ రావడం అనేది అనవాయితీగా మారింది. మరి ఇప్పుడు ఈ సీజన్ లో హౌస్ మేట్స్ కి విజయ్ దేవరకొండ కనిపిస్తే వాళ్లు ఎలా రియాక్ట్ అవుతారు అనేది ఆసక్తికరంగా మారింది. అదీ మేటర్.
Paritala Murthy – Exclusive
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్బాస్ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
