Vijay: కోలీవుడ్‌లో చాపకింద నీళ్లలా ఫ్యాన్‌ వార్‌… దసరాకు తేలిపోతుంది!

దళపతి విజయ్‌కి అర్జెంట్‌గా హిట్‌ కావాలి. అదేంటీ మొన్నీ మధ్య వరకు వరుస హిట్లు ఇచ్చాడు, ‘బీస్ట్‌’ సినిమాకు మంచి టాక్‌ రాకపోయినా భారీ వసూళ్లే వచ్చాయి అంటున్నారు. అలాంటిది ఇప్పుడు విజయ్‌కి భారీ విజయం అవసరమా? అనే డౌట్‌ పడుతున్నారు. అవును మీరు అనుకున్నదల్లా కరెక్టే. అయితే ఇప్పుడు విజయం ఎవరికి అవసరం అనే మాట వస్తే… విజయ్‌ కంటే అతని ఫ్యాన్స్‌కే ఎక్కువ అని తెలుస్తోంది. దీనికి కారణం ఇటీవల ఫ్యాన్స్‌ చేసిన కొన్ని పనులే.

రజనీకాంత్‌ ‘జైలర్‌’గా ఇటీవల ప్రేక్షకుల ముందుకొచ్చి భారీ విజయాన్ని అందుకున్నాడు. ఏకంగా రూ. 600 కోట్లకుపైగా వసూళ్లు సాధించి కెరీర్‌ బెస్ట్‌ అండ్‌ ఇండస్ట్రీ బెస్ట్‌గా నిలిచింది. అయితే ఇదంతా సినిమా రిలీజ్‌ చేసిన తర్వాత. కానీ సినిమా విడుదలకు ముందు, ప్రీ రిలీజ్‌ ఈవెంట్‌కి మధ్య తమిళనాట చాలా పెద్ద చర్చే జరిగింది. ఆ ఈవెంట్‌లో ‘బీస్ట్‌’ సినిమా గురించి రజనీకాంత్‌ అన్న మాటలను విపరీతంగా తీసుకొని చిన్న సైజు ఫ్యాన్‌ వార్‌కి దారి తీసింది.

‘బీస్ట్‌’ సినిమాకి మంచి టాక్‌ రాలేదని, కానీ వసూళ్లు బాగా వచ్చాయని, అందుకే దర్శకుడు నెల్సన్‌ను వద్దు అని కొంతమంది చెప్పినా తాను ఛాన్స్‌ ఇచ్చానని రజనీకాంత్ అన్నారు. అయితే మా హీరో సినిమాను తలైవా అలా అనడం సరికాదు. మావోడు ఎక్కడా? ఆయన హిట్లు ఎక్కడ? అంటూ విజయ్‌ ఫ్యాన్స్‌ సన్నాయి నొక్కులు నొక్కారు. దీంతో ఇప్పుడు విజయ్‌ నుండి సినిమా వస్తుండటంతో ఎక్కడ పోలికలు వస్తాయేమో అని విజయ్‌ (Vijay) ఫ్యాన్స్‌ అనుకుంటున్నారు.

రూ. 600 కోట్ల సినిమాతో ఇప్పుడు ‘లియో’ పోటీ పడాలి. మరి ఆ పోటీలో ఏమాత్రం తేడా కొట్టినా సగటు ఫ్లాప్‌ సినిమా కంటే ఇలాంటి పోటీలో ఇబ్బంది ఎదురైతేనే కష్టం. మరి ‘లియో’ థియేటర్లలో వచ్చి ఏం చేస్తాడో తెలియాలంటే ఈ నెల 20 వరకు వెయిట్‌ చేయాల్సిందే.

గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?

‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు