రూ.55 కోట్లు డిమాండ్ చేసిన నటుడు!

ప్రయోగాత్మక కథల్లో నటించడానికి ముందుంటాడు నటుడు విజయ్ సేతుపతి. విభిన్న పాత్రలను ఎన్నుకుంటూ.. వరుస విజయాలతో బాగా పాపులర్ అవుతున్నాడు. సౌత్ కి మాత్రమే పరిమితమైన అతడి క్రేజ్ ఇప్పుడు బాలీవుడ్ కి కూడా పాకింది. ఇప్పటికే కొందరు బాలీవుడ్ మేకర్లు విజయ్ సేతుపతిని సంప్రదించారు. అందులో తనకు నచ్చిన ప్రాజెక్ట్ లకు సైన్ చేస్తున్నాడు ఈ హీరో. తాజాగా బాలీవుడ్ లో తెరకెక్కుతోన్న ఓ వెబ్ సిరీస్ కోసం విజయ్ సేతుపతిని సంప్రదించారట.

దీనికోసం అతడు డిమాండ్ చేసిన రెమ్యునరేషన్ ఎంతో తెలుసా..? అక్షరాలా.. రూ.55 కోట్లు. ‘ది ఫ్యామిలీ మ్యాన్’ లాంటి హిట్ సిరీస్ ను రూపొందించిన ప్రముఖ దర్శకులు రాజ్, డీకే ఇప్పుడు అమెజాన్ ప్రైమ్ సంస్థతో కలిసి ‘సన్నీ’ అనే మరో వెబ్ సిరీస్ ను రూపొందిస్తున్నారు. ఇందులో షాహిద్ కపూర్ ప్రధాన పాత్ర పోషిస్తున్నారు. దీనికోసం అతడికి రూ.40 కోట్ల రెమ్యునరేషన్ ముట్టజెప్పుతున్నారు. అలానే మరో ముఖ్య పాత్ర కోసం విజయ్ సేతుపతిని సంప్రదించగా.. ఆయన రూ.55 కోట్లు అడిగారట.

అంటే షాహిద్ కంటే ఎక్కువ రెమ్యునరేషన్ డిమాండ్ చేశారు. విజయ్ సేతుపతి అడిగిన మొత్తం విన్న మేకర్లు అవాక్కయినప్పటికీ అతడిని తీసుకోవడం ద్వారా మార్కెట్ పెరుగుతుందని.. అడిగినంత ఇవ్వడానికి రెడీ అవుతున్నారట. దీనికి సంబంధించిన కాంట్రాక్టుపై విజయ్ సంతకం చేయబోతున్నాడని సమాచారం. ఈ సిరీస్ ను మూడు సీజన్లుగా రూపొందించాలని ప్లాన్ చేస్తున్నారు. యాక్షన్ థ్రిల్లర్ నేపథ్యంలో తెరకెక్కనున్న ఈ సిరీస్ లో షాహిద్ కి జోడీగా రాశిఖన్నాను తీసుకున్నారు.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!