Vijay Sethupathi: పుష్ప2 ఆఫర్ గురించి విజయ్ సేతుపతి అలా అన్నారా?

గత కొన్నేళ్లలో వేగంగా సినిమాలలో నటించిన ప్రముఖ నటులలో విజయ్ సేతుపతి (Vijay Sethupathi) ఒకరు. గత ఆరేళ్లలో ఈ నటుడు ఏకంగా 25 సినిమాలలో నటించి మెప్పించారు. మహారాజ సినిమా ప్రమోషన్స్ లో భాగంగా పుష్ప2 (Pushpa2) మూవీ ఆఫర్ ను రిజెక్ట్ చేశారా అనే ప్రశ్నకు విజయ్ సేతుపతి ఆసక్తికర వ్యాఖ్యలు చేయగా ఆ వ్యాఖ్యలు ప్రస్తుతం సోషల్ మీడియా వేదికగా తెగ వైరల్ అవుతుండటం గమనార్హం. మహారాజ సినిమా విషయంలో నేనేదీ ప్లాన్ చేయలేదని అన్నీ అలా కుదిరాయని విజయ్ సేతుపతి చెప్పుకొచ్చారు.

మహారాజ సినిమాలో అనురాగ్ కశ్యప్ బాగా నటించారని సెల్వం పాత్రలో ప్రేక్షకులకు బాగా తెలిసిన నటులు నటిస్తే ఆ పాత్ర ప్రభావం పెద్దగా ఉండదని విజయ్ సేతుపతి పేర్కొన్నారు. తెలుగు సినిమాల్లో నటించడానికి నేను సిద్ధమేనని తెలుగు ఆఫర్లే ఇవ్వట్లేదని ఆయన తెలిపారు. పుష్ప2 సినిమా ఆఫర్ ను నేను రిజెక్ట్ చేయలేదని జీవితంలో అన్నిసార్లు నిజం చెప్పకూడదని కొన్ని సందర్భాల్లో అబద్ధం చెప్పడం మంచిదని విజయ్ సేతుపతి చెప్పుకొచ్చారు.

చరణ్ (Ram Charan)  బుచ్చిబాబు (Buchi Babu Sana)  కాంబో సినిమాలో తాను నటించడం లేదని ఆయన తెలిపారు. నాకు రొమాంటిక్ హీరోగా నటించడం అంటే ఎంతో ఇష్టమని విజయ్ సేతుపతి చెప్పుకొచ్చారు. మహారాజ సినిమాకు సీక్వెల్ లేదని విజయ్ సేతుపతి క్లారిటీ ఇచ్చారు. విజయ్ సేతుపతి రెమ్యునరేషన్ సైతం ఒకింత భారీ స్థాయిలో ఉండగా భవిష్యత్తు ప్రాజెక్ట్ లు ఈ నటుడికి ఎలాంటి ఫలితాలను ఇస్తాయో చూడాల్సి ఉంది.

విజయ్ సేతుపతిని అభిమానించే ఫ్యాన్స్ సంఖ్య పెరుగుతుండగా తర్వాత ప్రాజెక్ట్ లతో ఎలాంటి ఫలితాలను అందుకుంటారో చూడాల్సి ఉంది. విజయ్ సేతుపతి మంచి ప్రాజెక్ట్ లతో టాలీవుడ్ ఇండస్ట్రీలోకి రీఎంట్రీ ఇస్తే ఫ్యాన్స్ సంతోషానికి అవధులు ఉండవు.