విజయ్, కీర్తి సురేష్ జంటగా, ఏఆర్ రెహమాన్‌ సంగీత సారథ్యంలో, ఏఆర్ మురగదాస్ డైరెక్షన్ లో, సన్ పిక్చర్స్ బ్యానర్ నిర్మించిన సినిమా సర్కార్. ఈ సినిమా దీపావళి కానుకగా నవంబర్ 6 న ప్రేక్షకుల ముందుకు వచ్చింది. ఇక తమిళ్ లో సూపర్ క్రేజ్ ఉన్న విజయ్, తమిళ్ స్టార్ డైరెక్టర్ మురగదాస్ కాంబినేషన్ లో ఇది మూడవ సినిమా. వీరి కాంబినేషన్ లో వచ్చిన తుపాకీ, కత్తి సినిమాలు సూపర్ హిట్ గా కాగా ఈ సినిమా భారీ అంచనాల నడుమ విడుదలైంది.
ఇక విషయంలోకి వెళితే భారీ బడ్జెట్ తో నిర్మించిన ఈ సినిమా పక్క కమర్షియల్ పొలిటికల్ డ్రామాగా తెరకెక్కింది. అయితే ఈ సినిమా రిలీజ్ నుండి టాక్ తో సంబంధం లేకుండా వసూళ్ల పరంగా దూసుకెళుతుంది. బాక్సాఫీక్ దగ్గర వసూళ్ల సునామి సృష్టిస్తున్న ఈ సినిమా కేవలం రెండు రోజుల్లోనే ప్రపంచ వ్యాప్తంగా 110 కోట్ల గ్రాస్ మార్క్ ని క్రాస్ చేసేసిందని సమాచారం. ఇలానే సినిమా వసూళ్లు కనుక వీక్ ఎండ్ వరకు కొనసాగితే ఇంకెన్ని రికార్డులు సృష్టిస్తుందో చూడాలి.
