విక్రమ్ కొత్త సినిమాపై భారీగా అంచనాలు.. సరికొత్త రికార్డులు క్రియేటవుతాయా?

ప్రభాస్ రాజమౌళి కాంబినేషన్ బ్లాక్ బస్టర్ కాంబినేషన్ కాగా ఈ కాంబినేషన్ లో తెరకెక్కిన మూడు సినిమాలు కలెక్షన్ల విషయంలో సరికొత్త రికార్డులు క్రియేట్ చేశాయి. అయితే పలు ఏరియాలలో బాహుబలి2 సినిమా క్రియేట్ చేసిన కలెక్షన్ల రికార్డులను ఇప్పటివరకు ఏ సినిమా బ్రేక్ చేయలేదు. గత ఐదేళ్ల కాలంలో ఎన్నో సినిమాలు విడుదలైనా ఆ సినిమాలలో మెజారిటీ సినిమాలు ఒక్క ఏరియాలో కూడా బాహుబలి2 రికార్డులు బ్రేక్ చేయలేకపోయాయి.

అయితే విక్రమ్ మూవీ సూర్యపుత్ర కర్ణ షూటింగ్ త్వరలో మళ్లీ మొదలుకానుండగా ఈ సినిమాకు సంబంధించిన టీజర్ తాజాగా విడుదలైంది. చాలా సంవత్సరాల క్రితం ఈ సినిమాకు సంబంధించి కొన్ని యుద్ధ సన్నివేశాలను తెరకెక్కించారు. అయితే ఆ సమయంలో వేర్వేరు కారణాల వల్ల ఈ సినిమా షూటింగ్ పూర్తి కాలేదు. ఈ సినిమా షూట్ మళ్లీ మొదలు కానుండటంతో సినీ అభిమానులు ఎంతగానో సంతోషిస్తున్నారు.

ఆర్.ఎస్.విమల్ ఈ సినిమాకు దర్శకత్వం వహిస్తుండగా ఈ సినిమాపై అంచనాలు అంతకంతకూ పెరుగుతున్నాయి. బాహుబలి2 కలెక్షన్లను బ్రేక్ చేసే సినిమా ఇదేనని నెటిజన్ల నుంచి అభిప్రాయాలు వ్యక్తమవుతున్నాయి. సరిగ్గా ప్రమోషన్స్ చేస్తే మాత్రం విక్రమ్ సినిమా రికార్డులు క్రియేట్ చేస్తుందని చెప్పడంలో సందేహం అవసరం లేదు. ఈ సినిమా కోసం నిర్మాతలు అత్యంత భారీ స్థాయిలో ఖర్చు చేస్తున్నారు.

పొన్నియిన్ సెల్వన్, పొన్నియిన్ సెల్వన్2 సినిమాలతో మార్కెట్ ను పెంచుకున్న విక్రమ్ తర్వాత ప్రాజెక్ట్ లతో సైతం అదే మ్యాజిక్ ను రిపీట్ చేయాలని ఫ్యాన్స్ కోరుకుంటున్నారు. ఈ సినిమా టీం కు , విక్రమ్ కు మధ్య సమస్యలు ఉన్నాయని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. భవిష్యత్తు ప్రాజెక్ట్ లతో విక్రమ్ చరిత్ర సృష్టించడం ఖాయమని కామెంట్లు వ్యక్తమవుతున్నాయి. విక్రమ్ ను అభిమానించే ఫ్యాన్స్ సంఖ్య పెరుగుతోంది.