తెలుగబ్బాయి అయినా.. తమిళంలో స్టార్ హీరోగా వెలుగొందుతున్నాడు విశాల్. అయినప్పటికీ తెలుగులో కూడా మంచి పేరు తెచ్చుకోవాలని తను నటించిన చిత్రాలను డబ్ చేసి తెలుగులో రిలీజ్ చేస్తుంటాడు. అలా చేసిన చిత్రాలతో తెలుగులో కూడా మంచి గుర్తింపును సంపాదించుకున్నాడు. పందెంకోడి 2, పొగరు చిత్రాలు తెలుగు ప్రేక్షకులను బాగా అలరించాయి.
రీసెంట్ గా విశాల్ నటించిన ‘రాయుడు’ సినిమా తెలుగు ప్రేక్షకుల ముందుకొచ్చింది. శ్రీదివ్య హీరోయిన్ గా నటించిన ఈ సినిమాలో విశాల్ పక్కా మాస్ విలేజ్ అబ్బాయి పాత్రలో కనిపించాడు. ఈ సినిమా బి,సి సెంటర్లలో మంచి ఓపెనింగ్స్ రాబట్టింది. మొదటి వారంలోనే 5 కోట్లు కలెక్ట్ చేసి, రెండవ వారం విజయవంతంగా ప్రదర్శింపబడుతోంది. అయితే విశాల్ స్ట్రెయిట్ తెలుగు సినిమాలో నటిస్తానని చాలా రోజులు నుండి చెప్తున్నాడు కానీ ఇప్పటివరకు నటించలేదు.
ఈ విషయంలో విశాల్ తల్లి కూడా సంతోశంగా లేరట. ఈ సమయంలో కూడా స్ట్రెయిట్ తెలుగు సినిమా చేయకపోతే నీ అంత ఇడియట్ మరొకరు ఉండరని చాలా సీరియస్ గా తిట్టేశారట. దీంతో విశాల్ కూడా ఇప్పుడు ఎలా అయినా తెలుగు సినిమాలో నటించాలని సిద్ధమవుతున్నాడని సమాచారం. త్వరలోనే ‘పందెంకోడి2’, ఓ తెలుగు స్ట్రెయిట్ చిత్రాలతో ప్రేక్షకుల ముందుకు వస్తానని స్వయంగా విశాల్ ‘రాయుడు’ సక్సెస్ మీట్ లో చెప్పుకొచ్చారు.
