నల్లనయ్య సరసన సమంత!

నల్లనయ్య విశాల్ ఈ మధ్య కాలంలో శృతి హాసన్, తమన్నా లాంటి తెల్ల తోలు హీరోయిన్లతో జోడీ కడుతూ తన సినిమాకి సొబగులు అద్దుతున్నాడు. పూజ సినిమాకోసం శృతి హాసన్ తో రొమాన్స్ చేసిన విశాల్ తాజా చిత్రం కత్తిసండై (తెలుగులో ఒక్కడొచ్చాడు) కోసం మిల్కీ బ్యూటీతో చిందులేశాడు. ఇలా స్టార్ హీరోయిన్స్ తో వరుసగా సినిమాలు చేస్తోన్న విశాల్ తర్వాతి సినిమా కోసం సమంతని సంప్రదించాడట.

‘టెంపర్’ రీమేక్, ‘పందెంకోడి’ సీక్వెల్ సహా నాలుగు సినిమాలతో బిజీగా ఉన్నాడు విశాల్. వాటిలో పీఎస్ మిత్రన్ తెరకెక్కించనున్న ‘ఇరుంబు తిరై’ సినిమా కోసం విశాల్ కాబోయే తెలుగింటి కోడలిని సంప్రదించాడట. అయితే కొంతకాలంగా సినిమా వ్యవహారాలతో అంటీముట్టనట్టు వ్యవహరిస్తోన్న సామ్ ఈ ఆఫర్ కి ఎలా స్పందిస్తున్నది ఆసక్తికరంగా మారింది. తమిళ కథానాయకుడు శివకార్తికేయన్ కి జోడీగా నటించేందుకు కూడా సమంతని సంప్రదించారట. పెళ్లి వాయిదా వేయడం వెనక ఈ సినిమాల ప్రభావం ఏమైనా ఉందేమో అన్న అనుమానం కలుగుతోంది. దీనిపై సామ్ ఏమంటుందో మరి..!