Vishwanath & Sons: ‘విశ్వనాథ్ & సన్స్’.. ఇలా పోస్టర్ వచ్చింది.. అప్పుడే కాపీ మరక

కోలీవుడ్ స్టార్ హీరో సూర్య తన 28 ఏళ్ళ సినీ కెరీర్లో మొట్ట మొదటిసారి ఓ తెలుగు సినిమాలో నటిస్తున్నాడు. వెంకీ అట్లూరి దర్శకత్వంలో ‘సితార ఎంటర్టైన్మెంట్స్’  బ్యానర్లో సూర్య ఓ సినిమా చేస్తున్నాడు.ఈరోజు ఈ సినిమాకి సంబంధించిన టైటిల్ అలాగే హీరో సూర్య ఫస్ట్ లుక్ పోస్టర్ వదిలారు. ఈ సినిమాకి ‘విశ్వనాథం అండ్ సన్స్'(Vishwanath & Sons) అనే టైటిల్ ని ఫిక్స్ చేశారు.

Vishwanath & Sons

ఇక ఈ పోస్టర్ చూడటానికి దర్శకుడు వెంకీ అట్లూరి స్టయిల్లో చాలా స్టైలిష్ గా ఉంది. తెలుగు ప్రేక్షకులకు ఫ్రెష్ ఫీలింగ్ కూడా కలిగించింది అని చెప్పాలి. సూర్య సినిమా ఫస్ట్ లుక్ అంటే సోషల్ మీడియాలో కూడా సాలిడ్ రెస్పాన్స్ ఉంటుంది అని ప్రత్యేకంగా చెప్పనవసరం లేదు. అయితే కొంతమంది ఈ ఫస్ట్ లుక్ పై కాపీ ఆరోపణలు చేస్తుండటం గమనార్హం.

ఈ పోస్టర్లో ఒకటి రెండు హాలీవుడ్ సినిమాల ఛాయలు కనిపిస్తున్నాయి అనేది కొందరి ఆరోపణ.అవును.. కొంతమంది అభిప్రాయం ప్రకారం.. ‘విశ్వనాథం అండ్ సన్స్’ పోస్టర్లో హాలీవుడ్ సినిమాల స్టైల్ కనిపిస్తుందట.  ఆఫీస్ సెటప్‌.. అలాగే హీరో సూర్య పిల్లవాడిని ఎత్తుకుని కనిపించడం అనేది ‘త్రీ మెన్ అండ్ ఎ బేబీ’ ‘జూనియర్’ ‘త్రీ వైజర్ మెన్ అండ్ ఏ బేబీ’ సినిమాలని తలపిస్తుందని కొందరు కామెంట్స్ చేస్తున్నారు. కథలో కూడా ఇలాంటి సిమిలారిటీస్ ఉంటాయా? అంటే సినిమా వచ్చిన తర్వాత కానీ చెప్పలేం.

కానీ దర్శకుడు వెంకీ అట్లూరి కథలు కొత్తగా ఏమీ అనిపించవు. కానీ వాటి ట్రీట్మెంట్ బాగుంటుంది. ‘లక్కీ భాస్కర్’ సినిమానే తీసుకుంటే.. అందులో ‘స్కామ్ 1992’ ఛాయలు ఎక్కువగా కనిపిస్తాయి. అలా అని దాన్ని కాపీ అని ఎవ్వరూ విమర్శించలేదు. ఇన్స్పైర్ అయ్యుంటాడు అనుకున్నారు. ‘విశ్వనాథం అండ్ సన్స్’ విషయంలో కూడా వెంకీ హాలీవుడ్ సినిమాల నుండి స్పూర్తినొంది ఉండొచ్చు.

ఇక ఈ సినిమాలో మమిత బైజు హీరోయిన్ గా నటిస్తుండగా…. రాధిక శరత్‌కుమార్, రవీనా టాండన్ కూడా కీలక పాత్రలు పోషిస్తున్నారు.

‘మన శంకర వరప్రసాద్ గారు’ అర్ధశతదినోత్సవం.. ఎన్ని కేంద్రాల్లోనో తెలుసా?