Vrushakarma : నాగ చైతన్య ‘వృషకర్మ’ రిలీజ్ పకడ్బందీగా ప్లాన్ చేసారుగా.. రిలీజ్ డేట్ ఎప్పుడంటే ?

టాలీవుడ్ యువ హీరో నాగ చైతన్య నటిస్తున్న భారీ ప్రాజెక్ట్ వృషకర్మ గురించి తాజాగా ఆసక్తికరమైన వార్తలు వినిపిస్తున్నాయి. తండేల్ విజయంతో మంచి జోష్‌లో ఉన్న నాగచైతన్య, ఇప్పుడు మరో డిఫరెంట్ జానర్ మూవీతో ప్రేక్షకుల ముందుకు రావడానికి సిద్ధమవుతున్నాడు. దర్శకుడు కార్తీక్ వర్మ దండు తెరకెక్కిస్తున్న ఈ మిథికల్ యాక్షన్ అడ్వెంచర్ ఇప్పటికే సినీ వర్గాల్లో మంచి బజ్ క్రియేట్ చేసింది.

Vrushakarma

‘విరూపాక్ష’ తర్వాత కార్తీక్ వర్మ దండు నుంచి వస్తున్న సినిమా కావడంతో అంచనాలు మరింత పెరిగాయి. షూటింగ్ దాదాపు పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనుల్లో బిజీగా ఉన్నట్లు సమాచారం. మొదట ఈ సినిమాను త్వరగా విడుదల చేయాలనే ఆలోచన ఉన్నప్పటికీ, విజువల్ ఎఫెక్ట్స్ మరియు టెక్నికల్ పనుల కారణంగా విడుదల ప్రణాళికలో మార్పులు జరిగినట్లు ఇండస్ట్రీ టాక్.

తాజా సమాచారం ప్రకారం, వృషకర్మను ఈ ఏడాది డిసెంబర్‌లో ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారట. అదే సమయంలో పెద్ద స్టార్ సినిమాలు తక్కువగా ఉండే సీజన్ కావడంతో, సోలో రిలీజ్ స్ట్రాటజీపై కూడా దృష్టి పెట్టినట్లు తెలుస్తోంది. అయితే అధికారిక రిలీజ్ డేట్ మాత్రం ఇంకా ప్రకటించలేదు.

ఈ సినిమాలో నాగచైతన్య సరసన మీనాక్షి చౌదరి హీరోయిన్‌గా నటిస్తుండగా, కథలో మిథాలజీతో పాటు యాక్షన్, థ్రిల్ అంశాలు ప్రధానంగా ఉండబోతున్నాయని తెలుస్తోంది. భారీ బడ్జెట్‌తో రూపొందుతున్న ఈ చిత్రానికి ఓవర్సీస్ మార్కెట్‌లో కూడా మంచి డిమాండ్ ఉందని ట్రేడ్ వర్గాలు చెబుతున్నాయి. మొత్తానికి, వృషకర్మను పకడ్బందీగా ప్లాన్ చేస్తూ మేకర్స్ రిలీజ్‌కు సిద్ధమవుతున్నారు.

RJ Balaji: విజయ్‌కి థ్యాంక్స్‌ కార్డ్‌… ఎందుకో చెప్పిన డైరక్టర్‌ బాలాజీ