సిద్దార్థ్, శర్వానంద్ ల మధ్య గొడవపడడమేంటి? అని కంగారు పడకండి.! ఇది నిజ జీవితంలో కాదు.. వీళ్లిద్దరూ కలిసి నటిస్తున్న ‘మహాసముద్రం’ సినిమా లైన్ ప్రకారం వీళ్ళిద్దరూ గొడవ పడుతుంటారట. ‘ఆర్.ఎక్స్.100’ దర్శకుడు అజయ్ భూపతి ఈ చిత్రానికి దర్శకుడు. ఆ చిత్రంలో ప్రేమ కథను ఇప్పటి జనరేషన్ కు తగినట్టుగా సరికొత్త కోణంలో చూపించాడు అజయ్ భూపతి. ఆ చిత్రంలో ఓ అమ్మాయి వల్ల యువకుడు జీవితం ఎలా నాశనం అయిపోయింది అనే అంశాన్ని కళ్ళకు కట్టినట్టు చూపించాడు అజయ్.
‘మహాసముద్రం’ చిత్రంలో కూడా ఓ అమ్మాయి వల్ల ఇద్దరు ప్రాణ స్నేహితులు ఎలా విడిపోయారు.. వాళ్ళ కెరీర్ ఎలా నాశనం అయిపోయింది’ అనే లైన్ తో ఈ చిత్రాన్ని తెరకెక్కిస్తున్నాడట దర్శకుడు అజయ్ భూపతి. ఇందులో ఇద్దరు ప్రాణ స్నేహితులుగా శర్వానంద్, సిద్దార్థ్ లు నటిస్తున్నారు. ముఖ్యంగా హీరో సిద్దార్థ్ ఈ చిత్రంలో నెగిటివ్ షేడ్స్ ఉన్న పాత్రలో కనిపిస్తాడట.
ఇప్పటి వరకూ లవర్ బాయ్ లా కనిపించి అలరించిన సిద్దార్థ్.. నెగిటివ్ షేడ్స్ ఉన్న పాత్రలో ఎలా పెర్ఫార్మ్ చేస్తాడు అనే ఆశక్తి అందరిలోనూ ఉంది. ఇక ఈ చిత్రాన్ని ‘ఏకె.ఎంటర్టైన్మెంట్స్’ బ్యానర్ పై అనిల్ సుంకర నిర్మిస్తున్నాడు. మరి హీరోయిన్ గా ఎవర్ని తీసుకుంటారు అనేది తెలియాల్సి ఉంది. అతి త్వరలో ఈ ప్రాజెక్ట్ కు సంబంధించి పూర్తి వివరాలు ప్రకటించనున్నారు అని తెలుస్తుంది.
Most Recommended Video
పెంగ్విన్ సినిమా రివ్యూ & రేటింగ్
మీ అభిమాన తారల, అరుదైన పెళ్లి పత్రికలు
ఐశ్వర్యవంతులను పెళ్లి చేసుకున్న అందమైన హీరోయిన్స్!
