కథానాయకుడు సిద్ధార్థ్‌ (Siddharth), కథానాయిక అదితి రావ్‌ హైదరీ (Aditi Rao Hydari) మధ్య ఏం ఉంది, ఏం జరుగుతోంది అంటూ గత కొన్ని నెలలుగా వార్తలు, పుకార్లు వస్తూనే ఉన్నాయి. ఇద్దరూ ప్రేమలో ఉన్నారా, స్నేహితులా? లేక పెళ్లి అయిపోయిందా అని కూడా అన్నారు. అయితే ఈ విషయంలో ఎట్టకేలకు ఈ విషయంలో క్లారిటీ వచ్చింది. అయితే అది కూడా సగం క్లారిటీనే అని చెప్పాలి. ఇద్దరూ పెళ్లి చేసుకున్నారు అంటూ వనపర్తి నుండి ఇటీవల సమాచారం వచ్చింది. అధికారికంగా చెప్పకపోయినా.. పెళ్లి అయితే అయిపోంది. ఈ క్రమంలో ఓ ఆసక్తికరమైన విషయం తెలిసింది.
వనపర్తి జిల్లా శ్రీరంగాపురంలోని రంగనాథస్వామి ఆలయంలో సిద్ధార్థ్‌, అదితి రావ్‌ హైదరీ కుటుంబ సభ్యులు, కొద్దిమంది సన్నిహితుల సమక్షంలో పెళ్లి అయిపోయింది. ఈ వేడుకకు గ్రామస్థులను, మీడియాను, ఇతరులను ఎవరినీ ఆలయంలోకి అనుమతించలేదు. తమిళనాడు నుండి వచ్చిన పూజారులు ఆ పెళ్లి చేశారు. వనపర్తి సంస్థానాధీశుల వారసుడు రాజా కృష్ణదేవరావు, ఆయన కుటుంబ సభ్యులు హాజరయ్యారు. అదితిరావ్‌ హైదరీ వనపర్తి సంస్థానాధీశుల చివరి రాజా రామేశ్వరరావుకు మనువరాలు అనే విషయం తెలిసిందే.
ఆమె ప్రస్తుత రాజా కృష్ణదేవరావుకు మేనకోడలు. పెళ్లి అయిన తర్వాత సిద్ధార్థ్‌, అదితి వనపర్తిలోని సంస్థానాధీశుల వాసుదేవమ్మ తోటలో విందు ఏర్పాటు చేశారు. అయితే ఇటీవల సిద్ధార్థ్‌, అదితి రావ్‌ హైదరీ రంగనాథస్వామిని దర్శించుకున్నారట. ఆలయ పరిసర ప్రాంతాలను పరిశీలించి వెళ్లారట. అయితే ఎందుకు వచ్చారు అనేది అప్పుడు సరిగా చెప్పలేదట. ఆలయ సిబ్బందికి, గ్రామస్థులకు ఓ సినిమా షూటింగ్‌ కోసం ఏర్పాట్లు చేస్తున్నామని చెప్పారట.
దీంతో స్థానికులకు అబద్దం చెప్పినట్లు అయింది అంటున్నారు. అదితి రావ్‌ హైదరీ కుటుంబ సభ్యుల సంప్రదాయం మేరకు అక్కడ పెళ్లి చేశారని తెలుస్తోంది. అయితే ఈ పెళ్లికి సంబంధించి ఇరు కుటుంబాల నుండి అధికారిక సమాచారం లేదు. ఈ ఇద్దరూ కలసి ‘మహా సముద్రం’ (Maha Samudram) అనే సినిమాలో నటించారు. అప్పటి నుండే ఇద్దరి స్నేహం, ప్రేమ మొదలయ్యాయి అని అంటుంటారు.
సైలెంట్ గా పెళ్లి పీటలెక్కిన ‘బిగిల్’ నటి ఇంద్రజ..!
కర్ణాటకలో సినిమాలు బ్యాన్‌ అంటున్నారు… మన దగ్గరా అదే చేస్తారా?
ఈ వారం థియేటర్/ ఓటీటీల్లో రిలీజ్ కాబోతున్న 18 సినిమాలు/ సిరీస్..ల లిస్ట్
