Naga Shaurya: నాగ శౌర్య సినీ కెరీర్ కి ఏమైంది?

టాలీవుడ్‌లో మంచి టాలెంట్, స్క్రీన్ ప్రెజెన్స్ ఉన్న యంగ్ హీరోల్లో నాగశౌర్య ఒకరు. యూత్, ఫ్యామిలీ ఆడియన్స్‌లో అతనికి డీసెంట్ ఫాలోయింగ్ ఉంది. లవ్ స్టోరీస్, ఫ్యామిలీ మూవీస్ ఇతనికి బాగానే కలిసొచ్చాయి. కానీ యాక్షన్ హీరోగా, మాస్ హీరోగా ఎదిగే క్రమంలో.. ఇతను రొటీన్ సినిమాలు చేసి ఫ్లాపులు మూటగట్టుకున్నాడు. 2023 లో వచ్చిన ‘రంగబలి’ పెద్ద ఫ్లాప్ అయ్యింది. ఆ తర్వాత ఇతని నుండీ ఒక్క సినిమా కూడా రాలేదు.

Naga Shaurya

3 ఏళ్ళ పాటు అతని కెరీర్ లో గ్యాప్ వచ్చేసింది. హీరోకి ప్రైమ్ టైంలో ఇంత గ్యాప్ రావడం ఒక రకంగా పెద్ద సమస్యే అని చెప్పాలి.కథల ఎంపికలో చేసిన కొన్ని తప్పుల వల్ల శౌర్య తన ఫ్యాన్ బేస్‌ను చాలా వరకు తగ్గించేసుకున్నాడు అని చెప్పాలి. దీనికి తోడు భారీగా పారితోషికం డిమాండ్ చేయడంతో.. టాలీవుడ్‌లోని యాక్టివ్ ప్రొడక్షన్ హౌస్‌లు అతన్ని పక్కనపెట్టేశాయి అంటున్నారు.

బయట అవకాశాలు తగ్గడంతో, గత రెండేళ్లుగా తన సొంత బ్యానర్‌లోనే సినిమాలు చేయాలని చాలా స్క్రిప్ట్స్ విన్నాడు. కానీ, పలు కారణాల వల్ల అవేవీ పట్టాలెక్కలేదు. ఎట్టకేలకు 3 ఏళ్ళ నిరీక్షణ తర్వాత ‘బ్యాడ్ బాయ్ కార్తీక్’ సినిమాతో ఈ శుక్రవారం థియేటర్లలోకి రాబోతున్నాడు నాగశౌర్య. అయితే ఈ సినిమాకు జనాల్లో కనీస బజ్ లేదు. థియేట్రికల్ రైట్స్ కోసం బయ్యర్ల నుంచి సరైన రేట్లు రాకపోవడంతో, ఏకంగా నిర్మాతలే సొంతంగా రిలీజ్ చేస్తూ పెద్ద రిస్క్ తీసుకుంటున్నారు.

ఇక ఈ మూవీ ప్రమోషన్స్‌లో కూడా శౌర్య పెద్దగా హడావుడి చేయడం లేదు. మునుపటిలా యాక్టివ్‌గా కాకుండా.. చాలా సైలెంట్‌గా, సింపుల్‌గా తన పని తాను చేసుకుపోతున్నాడు.మంచి కమ్‌బ్యాక్ కోసం ఫ్యాన్స్ ఎంతో ఆశగా ఎదురుచూస్తున్నారు. ప్రస్తుతానికైతే శౌర్య చేతిలో కొత్త ప్రాజెక్ట్స్ ఏమీ లేవు. రెండు, మూడు కథలు చర్చల దశలో ఉన్నాయని.. ఈ ఏడాది చివర్లో వాటిపై క్లారిటీ వస్తుందని సమాచారం. ముందు ఈ ‘బ్యాడ్ బాయ్ కార్తీక్’ గట్టెక్కితేనే శౌర్య తదుపరి సినిమాలకు లైన్ క్లియర్ అవుతుంది.

లెనిన్ నుంచి క్రేజీ అప్డేట్.. అక్కినేని అభిమానుల్లో మొదలైన టెన్షన్ !