Dhanush: అదిగో.. ఇదిగో అన్నారు.. ఇప్పటికీ అడ్రస్ లేని ధనుష్- శేఖర్ కమ్ముల ప్రాజెక్ట్..!

శేఖర్ కమ్ముల సినిమాలకు ఓ ప్రత్యేకమైన ఫ్యాన్ ఫాలోయింగ్ ఉంటుంది. ఆయన సినిమాలు చూస్తుంటే ఏదో తెలీని చిరు నవ్వు పెదాల పైకి వస్తుంటుంది. ‘ఆనంద్’ ‘గోదావరి’ ‘హ్యాపీ డేస్’ ‘లీడర్’ ‘లైఫ్ ఈజ్ బ్యూటీఫుల్’ ‘ఫిదా’ ‘లవ్ స్టోరీ’ ఇలా మంచి మంచి సినిమాలు ప్రేక్షకులకు అందించాడు శేఖర్ కమ్ముల. ఇందులో ‘లైఫ్ ఈజ్ బ్యూటిఫుల్’ పెద్దగా ఆడకపోయినా.. ఆ సినిమాలో కూడా కొన్ని సన్నివేశాలు ప్రేక్షకులను ఆకట్టుకున్నాయి.

మ్యూజిక్ పరంగా కూడా శేఖర్ కమ్ముల సినిమాలు టాప్ ఆర్డర్ లో ఉంటాయి. శేఖర్ కమ్ముల చేసిన వృధా ప్రయత్నం ఏమైనా ఉందా అంటే అది ‘అనామిక’ సినిమా మాత్రమే అని చెప్పాలి. ఇదిలా ఉండగా.. ఒకప్పుడు శేఖర్ కమ్ముల సినిమాలు ఏడాదికి ఒకటి చొప్పున వచ్చేవి. కానీ 2021 లో వచ్చిన ‘లవ్ స్టోరీ’ తర్వాత మరో సినిమా రాలేదు. కోలీవుడ్ స్టార్ హీరో ధనుష్ తో ఓ సినిమా అనౌన్స్ చేశాడు. ఇది బైలింగ్యువల్ మూవీగా రూపొందనుందని కూడా చెప్పుకొచ్చారు.

ఏడాదిన్నర దాటినా ఇంకా ఈ సినిమా షూటింగ్ మొదలుకాలేదు. కానీ దీని తర్వాత అనౌన్స్ చేసిన ధనుష్ ‘సార్’ మూవీ షూటింగ్ కంప్లీట్ చేసుకుని రిలీజ్ అయ్యి .. 2 నెలలు దాటేసింది. మరి శేఖర్ కమ్ముల- ధనుష్ ల మూవీ సంగతేంటి? ధనుష్ కూడా ‘కెప్టెన్ మిల్లర్’ అనే సినిమా కోసం గడ్డం పెంచి రెడీ అవుతున్నాడు.

ఈ సినిమా షూటింగ్ పూర్తయ్యేవరకు ధనుష్ (Dhanush) గడ్డం తీయడానికి వీలు పడదు. అంటే ఈ ఏడాది కూడా ధనుష్- శేఖర్ కమ్ముల సినిమా స్టార్ట్ అవ్వదా అనే అనుమానాలు వ్యక్తమవుతున్నాయి. ఇలాంటి వాటి కోసమైనా చిత్రబృందం ఏదో ఒక అప్డేట్ ఇచ్చి క్లారిటీ ఇవ్వాల్సి ఉంది.

శాకుంతలం సినిమా రివ్యూ & రేటింగ్!
అసలు పేరు కాదు పెట్టిన పేరుతో ఫేమస్ అయినా 14 మంది స్టార్లు.!

బ్యాక్ టు బ్యాక్ ఎక్కువ ప్లాపులు ఉన్న తెలుగు హీరోలు ఎవరంటే?
పూజా హెగ్డే కంటే ముందు సల్మాన్ ఖాన్ తో డేటింగ్ చేసిన 13 మంది హీరోయిన్లు!