ఈ ఆరు నెలలు ఎన్టీయార్ ఏం చేస్తాడు చెప్మా!

ఈమధ్యకాలంలో బాలకృష్ణ లాంటి సీనియర్ హీరోనే సినిమాకి సినిమాకి మధ్య ఎక్కువ గ్యాప్ ఇవ్వకుండా వరుసబెట్టి సినిమాలు చేసేస్తున్నారు. అలాంటిది యంగ్ స్టార్ హీరోస్ ఎలా ఉండాలి చెప్పండి. ఈమధ్య రాంచరణ్, బన్నీ వంటి హీరోలు కూడా మహా అయితే రెండు లేదా మూడు నెలలకి మించిన గ్యాప్ కూడా తీసుకోవడం లేదు. కానీ.. యంగ్ టైగర్ ఎన్టీఆర్ మాత్రం సినిమాకి సినిమాకి కనీసం ఆరేడు నెలల విరామం తీసుకుంటున్నాడు.

“నాన్నకు ప్రేమతో” అనంతరం ఆరు నెలల విరామం తీసుకొని “జనతా గ్యారేజ్” మొదలెట్టాడు, ఆ తర్వాత కూడా “జై లవకుశ” స్టార్ట్ చేయడానికి సారువాడు ఏకంగా అయిదు నెలల విరామం తీసుకొన్నాడు. ఇప్పుడు “జై లవ కుశ” అనంతరం మొదలెట్టబోయే ప్రొజెక్ట్ కోసం మళ్ళీ ఓ ఆరు నెలల విరామం తీసుకొంటున్నాడట. ఎన్టీఆర్ తదుపరి చిత్రం త్రివిక్రమ్ దర్శకత్వంలో అన్న విషయం తెలిసిందే. ప్రస్తుతం పవన్ కళ్యాణ్ సినిమాలో బిజీగా ఉన్న త్రివిక్రమ్ ఆ సినిమా విడుదల తర్వాతే ఎన్టీఆర్ సినిమా ప్రీప్రొడక్షన్ పనులు ప్రారంభిస్తాడు. అంటే సినిమా సెట్స్ కు వెళ్ళడానికి కనీసం మార్చి అవుతుంది. మరి అప్పటివరకూ ఎన్టీఆర్ ఎన్ని ఫ్యామిలీ ట్రిప్స్ వేస్తాడు ఎన్ని కొత్త గెటప్పులు ట్రై చేస్తాడు అన్నది చూడాలి.