‘ఆర్ఆర్ఆర్’ సినిమా డీల్ కి బెల్లంకొండకి సంబంధం ఏంటి..? అనుకుంటున్నారా..? ఇక్కడే ఓ చిన్న పాయింట్ ఉంది. ‘ఆర్ఆర్ఆర్’ సినిమా నార్త్ థియేట్రికల్ రైట్స్ తో పాటు ఈ సినిమాకి సంబంధించి అన్ని భాషల డిజిటల్, ఇంటర్నెట్, శాటిలైట్ హక్కులను పెన్ మూవీస్ సంస్థ దక్కించుకున్న సంగతి తెలిసిందే. ఈ సంస్థలోనే బెల్లంకొండ శ్రీనివాస్ బాలీవుడ్ అరంగేట్రం జరగబోతుంది. టాలీవుడ్ లో హీరోగా కొన్ని సినిమాలు చేసిన బెల్లంకొండ శ్రీనివాస్ ను బాలీవుడ్ లో హీరోగా పరిచయం చేయడానికి పెన్ సినిమాస్ సంస్థ ముందుకొచ్చింది.
డబ్బింగ్ సినిమాల ద్వారా నార్త్ లో కొంత పాపులారిటీ తెచ్చుకున్న బెల్లంకొండ.. ‘ఛత్రపతి’ రీమేక్ తో బాలీవుడ్ లో పరిచయం కానున్నాడు. ఈ సినిమాకి వి.వి.వినాయక్ దర్శకత్వం వహించనున్నారు. బాలీవుడ్ లో పెన్ మూవీస్ సంస్థకు మంచి పేరుంది. ఈ సంస్థ తమ బ్యానర్ లో పెద్ద సినిమాలే ప్రొడ్యూస్ చేసింది కానీ సరైన పాపులారిటీ మాత్రం లేదు. ఇప్పుడు ‘ఆర్ఆర్ఆర్’ సినిమా హక్కులు దక్కించుకున్న సంస్థగా పెన్ మూవీస్ క్రేజ్ పెరగడం ఖాయం.
ఈ సినిమా విడుదలయ్యే వరకు ఈ సంస్థ వార్తల్లో ఉంటుంది. ఇలాంటి ప్రొడక్షన్ హౌస్ శ్రీనివాస్ ను హీరోగా పరిచయం చేస్తుందంటే.. ఆ తరువాత మీడియా అటెన్షన్ బాగా ఉంటుంది. ఇది బెల్లంకొండకి కలిసొచ్చే విషయమే. అయితే బెల్లంకొండ శ్రీనివాస్ సరసన హీరోయిన్ గా నటించడానికి ఏ బాలీవుడ్ హీరోయిన్ ముందుకు రావడం లేదు. త్వరలోనే ఈ సినిమా సెట్స్ పైకి వెళ్లే ఛాన్స్ ఉంది. వచ్చే ఏడాదిలో ఈ సినిమాను విడుదల చేయనున్నారు.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
Home