Buchi Babu: బుచ్చిబాబుకి ఓకే చెప్పే హీరో ఎవరు? ప్రయోగం ఆలోచనే అడ్డుపడుతోందా?

‘పెద్ది’ సినిమా గురించి హీరో రామ్‌చరణ్‌ కంటే ఎక్కువ నమ్మింది, ఎక్కువగా ప్రచారం చేసింది, ఎక్కువగా మాట్లాడింది ఎవరు అంటే అది దర్శకుడు బుచ్చిబాబు సానా. ఆ సినిమా గురించి ఆయన మాటలు విన్నాక.. ఆ కథ మీద ఎంత ప్రేమ పెంచుకున్నారో అర్థమైంది. కానీ సినిమా వచ్చాక కథ పక్కకు వెళ్లిపోయి ఇతర అంశాలు ముందుకొచ్చి సినిమా ఫలితాన్ని ఎంజాయ్‌ చేయకుండా చేశాయి. సినిమాలో ఉన్న లోపాల కంటే మిగిలిన అంశాలను పాపాలుగా చూపించి బుచ్చిబాబు మొరాల్‌ను డౌన్‌ చేసేశారు.

Buchi Babu

ఆ సినిమా తర్వాతి పరిస్థితుల నుండి కోలుకున్న బుచ్చిబాబు సానా.. ఇప్పుడు మూడో సినిమా పనులు షురూ చేయబోతున్నారట. ఆ మధ్య వినిపించిన సమాచారం అయితే బుచ్చిబాబుకు రామ్‌చరణే మరో అవకాశం ఇచ్చాడు అని అన్నారు. ‘పెద్ది’ లాంటి ప్రయోగం కాకుండా ఫక్తు కమర్షియల్‌ ఎంటర్‌టైనర్‌ చేద్దాం అని చరణ్‌ చెప్పాడు అని అన్నారు. అయితే ఆ తర్వాత ఆ మాటలేవీ లేవు. ఇప్పుడు కొత్తగా బుచ్చిబాబు కొత్త సినిమా మెగా హీరోతోనే అనే చర్చ మొదలైంది. అది కూడా చిరంజీవితోనే అని అంటున్నారు.

ఈ మాటలో ఎంత నిజం ఉందో తెలియదు కానీ.. వార్త అయితే టాలీవుడ్‌లో చక్కర్లు కొడుతూనే ఉంది. ‘పెద్ది’ ఫలితం గురించి ఆలోచించకుండా ఆయన టేకింగ్‌ని నమ్మి ఛాన్స్‌ ఇస్తున్నారట. శ్రీకాంత్‌ ఓదెల సినిమా తర్వాత బుచ్చిబాబు సినిమా ఉంటుంది అని చెబుతున్నారు. రెండు సినిమాలను ఒకేసారి తీసుకెళ్లే ఉద్దేశం ఉందని చెబుతున్నారు. అయితే చిరంజీవి నమ్మకాన్ని బుచ్చిబాబు సరైన కథ చెప్పి నిలబెట్టుకుంటారా అనేది చూడాలి.

ప్రస్తుతం చిరంజీవి యంగ్‌ డైరెక్టర్లను సినిమా ఛాన్స్‌లు ఇవ్వడంలో చిరంజీవి ఆసక్తిగా ఉన్నారు. ప్రస్తుతం బాబీ డైరక్షన్‌లో చేస్తున్న మెగా 158 (కదిరి…) కానీ, చేసేసిన మల్లిడి వశిష్ట ‘విశ్వంభర’ కానీ, చేయనున్న శ్రీకాంత్‌ ఓదెల సినిమా కానీ ఇలాంటివే కావడం గమనార్హం. అంటే బుచ్చిబాబుకు ఛాన్స్‌ ఉన్నట్లే. అయితే వెంకీ కుడుమలలా కథతో నిరాశపరచకుండా ఉంటేనే.

తిరుమలలో కుర్ర హీరోయిన్‌కి సెల్ఫీ తిప్పలు.. ఇదెంతవరకు కరెక్ట్‌ చెప్పండి?