కళ్యాణ్ దేవ్ కి తాకిన సుశాంత్ సి.బి.ఐ కేస్ సెగ!

యావత్ భారతీయ చిత్ర పరిశ్రమను కుదిపేసిన అంశం సుశాంత్ సింగ్ ఆత్మహత్య. అతడి ఆత్మహత్య వెనుక అసలు కారణం ఏమిటి అనేది తెలియదు కానీ.. ఆ కేస్ విషయంలో ఇన్వాల్వ్ అయిన ఒక్కొక్కరి పేరు బయటకు వస్తుంటే మాత్రం సంచలనాల మీద సంచలనాలు నమోదవుతున్నాయి. ఈ రచ్చలో అనవసరంగా ఇరుక్కున్నాడు మెగా అల్లుడు కళ్యాణ్ దేవ్. అక్కడెక్కడో ముంబైలో జరిగిన సుశాంత్ ఆత్మహత్య కేసులో కళ్యాణ్ దేవ్ కి సంబంధం ఏమిటి అని తెగ ఆలోచించేయకండి.

కళ్యాణ్ దేవ్ ఇరుక్కోవడానికి కారణం అతడు నటిస్తున్న తాజా చిత్రం హీరోయిన్ సుశాంత్ సింగ్ ప్రేయసి, ప్రస్తుతం సి.బి.ఐ ప్రశ్నిస్తున్న రియా చక్రవర్తి కావడమే. సూపర్ మచ్చి అనే టైటిల్ తో తెరకెక్కుతున్న ఈ చిత్రం నుండి రియా చక్రవర్తి తప్పుకున్నప్పటికీ.. కళ్యాణ్ దేవ్ తో స్క్రీన్ టెస్ట్ జరగడం, కొన్నాళ్ళు ఆమె పేరు టాలీవుడ్ వర్గాల్లో బాగా నానింది. దాంతో సోషల్ మీడియా జనాలు కొందరు సుశాంత్ కేసు డీటేయిల్స్ విషయంలో కళ్యాణ్ దేవ్ ను ప్రశ్నిస్తున్నారు.

ప్రస్తుతం ఈ చిత్రంలో కన్నడ నటి రచితా రామ్ హీరోయిన్ గా నటిస్తోంది. ఈ విషయం తెలియని కొన్ని యూట్యూబ్ చానల్స్ కళ్యాణ్ దేవ్ ను హైలైట్ చేయడం మొదలెట్టాయి. దాంతో ఇమ్మీడియట్ గా ఆ విషయంలో తన పేరు రాకుండా జాగ్రత్తపడడం మొదలెట్టాడు కళ్యాణ్ దేవ్.

Most Recommended Video

ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!