Acharya Movie: మెగాస్టార్ కి డేట్ దొరకడం లేదా..?

మెగాస్టార్ చిరంజీవి-కొరటాల శివ కాంబినేషన్ లో ‘ఆచార్య’ సినిమా తెరకెక్కుతోన్న సంగతి తెలిసిందే. ఈ సినిమా మొదలై చాలా కాలం అవుతున్నప్పటికీ ఇంకా థియేటర్లోకి రాలేదు. ఇప్పుడు ఎప్పుడు వస్తుందో కూడా తెలియని పరిస్థితి. ఎందుకంటే దగ్గరలో ‘ఆచార్య’ రిలీజ్ డేట్ ఎక్కడా కనిపించడం లేదు. అక్టోబర్ 13న ‘ఆర్ఆర్ఆర్’ వస్తోంది. చెప్పిన టైమ్ కి రాజమౌళి సినిమాను రిలీజ్ చేస్తారా..? లేదా..? అనే సందేహాలు ఉన్నాయి. ‘ఆర్ఆర్ఆర్’ గనుక అనుకున్న తేదీకి రాకపోతే ఆ డేట్ కు ‘ఆచార్య’ను విడుదల చేస్తారు.

అందుకే మరే డేట్ ను లాక్ చేయకుండా ఉండిపోయారు. అయితే సంక్రాంతికి విడుదలవుతున్న సినిమాలన్నీ కూడా ‘ఆర్ఆర్ఆర్’ వాయిదా పడి సంక్రాంతికి వస్తే కనుక గట్టిగా అడ్డుకోవాలని చూస్తున్నాయి. ముందు నుండి అక్టోబర్ 13 అని చెప్పి సంక్రాంతికి వస్తే మాత్రం ఊరుకునేది లేదని మిగిలిన నిర్మాతలు తీర్మానించుకున్నారు. దాంతో కొరటాల శివ తెలివిగా జనవరి 12న సినిమాను విడుదల చేయాలని ఆలోచించాడు. కానీ ఈ విషయం బయటకు రావడంతో వెంటనే పవన్ కళ్యాణ్ ‘అయ్యప్పనుమ్ కోశియుమ్’ రీమేక్ విడుదల జనవరి 12 అని ప్రకటించేశారు.

దీంతో ఇప్పుడు ‘ఆచార్య’కు స్పేస్ దొరకడం లేదు. మహేష్ బాబు ‘సర్కారు వారి పాట’, ప్రభాస్ ‘రాధేశ్యామ్’ కూడా సంక్రాంతికే వస్తున్నాయి. మరి చిరు ఎప్పుడు డేట్ లాక్ చేస్తారో చూడాలి!

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!