విజిల్’ ఫస్ట్ డే కలెక్షన్స్..!

‘ఏ.జి.ఎస్‌. ఎంటర్‌టైన్‌మెంట్‌’ బ్యానర్ పై విజయ్, నయనతార జంటగా నటించిన ‘విజిల్’ (తమిళ్ లో ‘బిగిల్’) చిత్రం నిన్న(అక్టోబర్ 25న) విడుదలయ్యి పాజిటివ్ టాక్ ను సొంతం చేసుకుంది. స్పోర్ట్స్ నేపథ్యంలో సాగే కథాంశంతో తెరకెక్కిన ఈ చిత్రంలో స్త్రీల గౌరవాన్ని పెంచే అంశాలు ఎన్నో ఉన్నాయి. ఫస్ట్ హాఫ్ వరకూ ఎక్కువ తమిళ వాసన కొట్టడంతో తెలుగు ప్రేక్షకులు కాస్త డీలా పడినప్పటికీ.. సెకండ్ హాఫ్ లో మాత్రం కావాల్సిన కమర్షియల్ ఎలిమెంట్స్ మరియు ఎమోషన్స్ ను జోడించి అట్లీ మంచి మార్కులే వేయించుకున్నాడు. ఇక తెలుగులో ఈ చిత్రాన్ని ‘ఈస్ట్ కోస్ట్ ప్రొడక్షన్స్’ అధినేత మహేష్ కోనేరు రిలీజ్ చేసాడు. మొదటి రోజు ఈ చిత్రానికి తెలుగులో మంచి ఓపెనింగ్స్ వచ్చాయి.

‘విజిల్’ తెలుగు రాష్ట్రాల్లో ఏరియా వైజ్ కలెక్షన్ల వివరాలు ఈ విధంగా ఉన్నాయి :

నైజాం – 0.72 కోట్లు
వైజాగ్ – 0.24 కోట్లు
ఈస్ట్ – 0.19 కోట్లు

వెస్ట్ – 0.13 కోట్లు
కృష్ణా – 0.14 కోట్లు
గుంటూరు – 0.56 కోట్లు

నెల్లూరు – 0.10 కోట్లు
సీడెడ్ – 0.58 కోట్లు
———————————————————-
ఏపీ + తెలంగాణ – 2.66 కోట్లు (షేర్)
————————————————————

‘బిజిల్’ చిత్రానికి తెలుగు రాష్ట్రాల్లో 10 కోట్ల వరకూ థియేట్రికల్ బిజినెస్ జరిగింది. మొదటి రోజు ఈ చిత్రానికి 2.66 కోట్ల షేర్ వచ్చింది. ఇంకా బ్రేక్ ఈవెన్ కావాలంటే మరో 8 కోట్ల వరకూ షేర్ ను రాబట్టాల్సి ఉంది. తెలుగులో పెద్ద సినిమాలు.. కొత్త సినిమాలు ఏమీ లేవు కాబట్టి ‘విజిల్’ కు కలిసొచ్చే అంశం. మరో పక్క కార్తీ హీరోగా వచ్చిన ‘ఖైదీ’ చిత్రానికి కూడా పాజిటివ్ రివ్యూస్ వచ్చాయి. దీంతో నిన్న నూన్ షోస్ నుండీ ఆ చిత్రానికి కలెక్షన్లు పెరిగాయి. సో ‘ఖైదీ’ పోటీని తట్టుకుంటే ‘విజిల్’ గట్టెక్కేసినట్టే..!

విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!