Dragon: ఎవరా రెండో హీరో? ‘డ్రాగన్‌’ సెట్‌లోకి త్వరలో రానున్న మరో స్టార్‌

ప్రశాంత్‌ నీల్‌ – ఎన్టీఆర్‌ కాంబినేషన్‌లో సినిమా కోసం అభిమానులు చాలా నెలలు ఎదురుచూశారు. సినిమా అనౌన్స్‌ అయి, సెట్స్‌ మీదకు రావడానికి చాలా సమయం పట్టడమే దానికి కారణం. ఫైనల్లీ సినిమా మొదలైంది అనుకుంటే.. కొన్ని రోజులు షూటింగ్‌ జరిగి షూటింగ్‌ ఆగిపోయింది. ఎందుకు ఆగిపోయింది అనే విషయం సినిమా టీమ్‌ ఏమీ సమాధానం ఇవ్వలేదు, ఏదో చిన్నపాటి అనారోగ్య కారణాల వల్ల షూటింగ్‌ తరచూ ఆగిపోతోంది అని ఓ మాట మాత్రం బయటకు వచ్చింది. ఇప్పుడు మరో విషయం బయటకు వచ్చింది.

Dragon

ఈ సినిమాలో రెండో హీరో పాత్ర ఉందని.. ఆ మార్పులకు తగ్గట్టు స్క్రిప్ట్‌ రెడీ చేయడానికి ప్రశాంత్‌ నీల్‌ టీమ్‌ కాస్త సమయం తీసుకుందని అందుకే ఆలస్యమైందని చెబుతున్నారు. ఇందులో నిజానిజాలెంతవరకు ఉన్నాయి అనేది తెలియదు కానీ.. ఇప్పుడు ఈ సినిమా ఇంకో హీరో పాత్ర కోసం యువ కథానాయకుడి గురించి చూస్తున్నారు అని సమాచారం. ఎన్టీఆర్‌ సినిమాలో రెండో హీరో పాత్ర అంటే టాలీవుడ్‌లో ఎవరూ నో చెప్పే పరిస్థితి ఉండదు. ఎందుకంటే ఆయనే ‘వార్‌ 2’ సినిమాలో ఇలాంటి ఓ పాత్ర చేశారు.

ఆ యువ హీరో పాత్ర కనిపించేది కాసేపే అయినా స్క్రీన్ ప్రెజెన్స్‌ బాగుంటుంది అని సినిమా సన్నిహిత వర్గాలు చెబుతున్నాయి. అంటే సినిమాలో ఆ పాత్ర ఉన్నంతసేపు ప్రేక్షకుల దృష్టి మొత్తం ఆ పాత్ర మీదే ఉంటుంది అని చెబుతున్నారు. ఈ లెక్కన ఆ చిన్న పెద్ద పాత్ర చేయడానికి ఎవరిని తీసుకుంటారు అనేది చూడాలి. ఇటువైపు తారక్‌ కాబట్టి ఆ హీరో తారక్‌ కంటే తక్కువ ఫేమ్‌ ఉండేలా చూసుకుంటారు. తెలుగులో అయితే తారక్‌ పిలిస్తే చేయని హీరో లేరు. కానీ తారక్‌కి దగ్గరైన హీరోలు ఇప్పుడు హిట్‌ ట్రాక్‌లో లేరు.

ఇక ప్రశాంత్‌ నీల్‌ వైపు నుండి, అందులోనూ మనకు పరిచయం ఉన్న హీరో అంటే రిషభ్‌ శెట్టి, యశ్‌ మాత్రమే. అయితే ఇప్పుడు వారు చేస్తున్న సినిమాలు స్కేల్‌ బట్టి చూస్తే ఇప్పుడు తెలుగులో అతిథి పాత్ర చేస్తారా అంటే డౌటనే చెప్పాలి. చూద్దాం ఒకట్రెండు రోజుల్లో క్లారిటీ లీక్‌ వచ్చేయొచ్చు.

నంది అవార్డులను అలా పోలుస్తారా? లేనిపోని వివాదంలోకి యువ నిర్మాత