ఐకాన్ స్టార్ అల్లు అర్జున్ హీరోగా లెక్కల మాష్టారు సుకుమార్ డైరెక్షన్లో తెరకెక్కుతున్న చిత్రం ‘పుష్ప’. ఎర్ర చందనం స్మగ్లింగ్ బ్యాక్ డ్రాప్ లో తెరకెక్కుతున్న ఈ చిత్రం రెండు పార్టులుగా విడుదల కాబోతుంది. మొదటి పార్ట్ కు ‘పుష్ప – ది రైజర్’ అనే టైటిల్ ను సుకుమార్ ఫిక్స్ చేసినట్లు టాక్ నడుస్తుంది. ఇక రష్మిక మందన హీరోయిన్ గా నటిస్తున్న ఈ చిత్రానికి దేవి శ్రీ ప్రసాద్ సంగీతం అందిస్తున్న సంగతి తెలిసిందే. ఇదిలా ఉండగా..
ఈ చిత్రం ద్వారా మలయాళం స్టార్ హీరో ఫహాద్ ఫాజిల్ తెలుగు ప్రేక్షకులకు పరిచయం కాబోతున్నాడు. ఆయన నేషనల్ అవార్డు విన్నర్ అన్న సంగతి తెలిసిందే. ‘పుష్ప’ లో ఆయన ప్రతినాయకుడు పాత్రలో కనిపించబోతున్నారు. మెయిన్ గా ఆయన ఫారెస్ట్ ఆఫీసర్ పాత్రలో కనిపించబోతున్నారు అని వినికిడి. ఇదిలా ఉండగా.. ఫహాద్ ఫాజిల్ కేవలం ‘పుష్ప’ పార్ట్1 లో మాత్రమే కనిపిస్తాడు అని ప్రస్తుతం జోరుగా ప్రచారం జరుగుతుంది. క్లైమాక్స్ లో ఆయన పాత్ర హీరో చేతిలో చనిపోతుందట. అయితే ఉన్నంత వరకు ఫహాద్ పాత్ర ‘హీరోని డామినేట్ చేసే రేంజ్లో ఉండబోతుంది’ అని వినికిడి.
సినిమాకి ప్రధాన బలం ఈ పాత్రే అని తెలుస్తుంది. తెలుగులో అతనికి మార్కెట్ ఏర్పడడానికి.. అలాగే మలయాళంలో అల్లు అర్జున్ కు ఉన్న మార్కెట్ డబుల్ అవ్వడానికి ఫహాద్ పాత్ర బాగా ఉపయోగపడుతుంది అని స్పష్టమవుతుంది. అంతా బానే ఉంది.. మరి ‘పుష్ప’ పార్ట్ 2 లో ఎవరు విలన్ గా నటిస్తారు? అనేది మిలియన్ డాలర్ల ప్రశ్న. దీని పై దర్శకుడు సుకుమార్ అప్పుడే స్పందించడానికి ఇష్టపడటం లేదు. ఏమైనా ‘బాహుబలి 1’ విడుదలైనప్పుడు ‘కట్టప్ప బాహుబలిని ఎందుకు చంపాడు?’ అనే ప్రశ్న దేశ వ్యాప్తంగా ట్రెండ్ అయ్యింది. అదే రీతిలో ‘పుష్ప1’ విడుదలవ్వకుండానే ‘పుష్ప2’ లో విలన్ ఎవరు? అనే ప్రశ్న కూడా ట్రెండ్ అయ్యే అవకాశం లేకపోలేదు.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
Home