Anil Ravipudi: అనిల్‌ రావిపూడి దగ్గర కథలు లేవా? ధైర్యం లేదా?

టాలీవుడ్‌ టాప్‌ డైరక్టర్లలో ఒకడు అనిల్‌ రావిపూడి. అంతకుమించి మంచి రచయిత. దర్శకుడు కాకముందు అనిల్‌ ఎన్నో హిట్ కథలు పరిశ్రమకు అందించాడు. అయితే ఇప్పుడు అనిల్‌ దగ్గర కొత్త కథలు లేవా… ఏమో రీసెంట్‌గా ఆయన సినిమాల విషయంలో వస్తున్న పుకార్లు వింటుంటే అదే అనిపిస్తోంది. కారణంగా అనిల్‌ రావిపూడి తర్వాతి సినిమాలు మూడూ సీక్వెల్‌ కావడమే. అవును ప్రస్తుతం ‘ఎఫ్‌ 2’కి సీక్వెల్‌గా ‘ఎఫ్ 3’ తీస్తున్న అనిల్ తర్వాత కూడా అలాంటివే చేస్తాడట.

హిట్‌ సినిమాలకు సీక్వెల్‌ చేయడం కొత్త విషయమేమీ కాదు. అలా అని ఇది తప్పు కూడా కాదు. అయితే తెలుగులో సీక్వెల్ ఓ పెద్ద ట్రాన్స్‌ఫార్మర్‌ లాంటిది. ఎటువైపు నుండి ముట్టుకున్నా షాక్‌ కొడుతుంది. ఇప్పటివరకు వచ్చిన సీక్వెల్స్‌ హిట్‌ కొట్టినవి లేవనే చెప్పాలి. ‘బాహుబలి’ సినిమాలు మినహాయిస్తే. అయితే ఇప్పుడు అనిల్‌ ‘ఎఫ్‌ 3’ చేస్తున్నాడు. రిస్క్‌ ఎందుకా? అని అందరూ అనుకుంటుంటే, ‘రాజా ది గ్రేట్‌’, ‘సరిలేరు నీకెవ్వరు’ సినిమాలకు సీక్వెల్స్‌ రెడీ చేస్తున్నాడని లేటెస్ట్‌ టాక్‌.

రవితేజ హీరోగా త్వరలో ‘రాజా ది గ్రేట్‌ 2’ చేయాలని చర్చలు జరుగుతున్నట్లు వినికిడి. ‘ఎఫ్ 3’ తర్వాత అనిల్‌ చేయబోయేది ఈ సినిమానే అని కూడా టాక్. దీని త్వర్వాతే బాలకృష్ణతో ‘రామారావుగారూ’ ఉండొచ్చట. అయితే మహేష్‌బాబుతో ‘సరిలేరు నీకెవ్వరు 2’ చేస్తాడని కొత్తగా ముచ్చట్లు వినిపిస్తున్నాయి. దీంతో అనిల్‌కి ఈ సీక్వెల్స్‌ గోల ఎందుకు అని అనుకుంటున్నారు. కథలు రాసుకొని, ఒప్పించి, మెప్పించగల అనిల్‌ సీక్వెల్స్‌ను నమ్మడం ఏంటో అని అనుకుంటున్నారు. కొత్త కథలు లేకనా, లేక ఆ ధైర్యం లేకనో కానీ అనిల్‌ ఇలా చేస్తున్నాడా? ఏమో మరి.

Most Recommended Video

ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!