టాలీవుడ్‌ మొత్తంలో నందమూరి బాలకృష్ణను అభిమానులకు, ప్రేక్షకుల నచ్చేలా చూపించాలి అంటే ఇద్దరికే సాధ్యం అంటుంటారు. ఒకప్పుడు బి.గోపాల్‌, ఇప్పుడు బోయపాటి శ్రీను. వారి కాంబినేషన్లు అలాంటివి. బి.గోపాల్‌ విషయానికొస్తే… రకరకాల కాన్సెప్ట్‌లు, వేరియేషన్లతో బాలయ్యతో సినిమాలు తీసి మెప్పించారు. అయితే ఎక్కడా మాస్‌ ఎలిమెంట్స్‌ తగ్గకుండా చూసుకున్నారు. అందుకే వరుస సినిమాలు విజయాలు సాధించాయి. నెక్స్ట్‌ బోయపాటి శ్రీను. ‘సింహా’ సినిమాతో తొలిసారి కలిసిన బాలయ్య- బోయపాటి భారీ విజయాన్ని అందుకున్నారు.
బాలయ్య అంటే ఇదీ అని మరోసారి నిరూపించిన సినిమా అది. ఆ తర్వాత ఇదే కాంబోలో ‘లెజెండ్‌’ వచ్చింది. ఈసారి కూడా సేమ్‌ రిజల్ట్‌ రిపీట్‌. మూడోసారి ‘అఖండ’గా డిసెంబరు 2న రాబోతున్నారు. ఈ సినిమా ట్రైలర్‌ ఇటీవల విడుదలైంది. ట్రైలర్‌ చూసిన నెటిజన్లు ‘యాజ్‌ఇట్‌ ఈజ్‌’ ఉంది కదా అంటున్నారు. బాలయ్య – బోయపాటి కాంబో అంటే… ఇద్దరు బాలయ్యలు పక్కా. సీనియర్ బాలయ్య పాత్ర ఇంటర్వెల్‌కి ఎంటర్‌ అవుతుంది.
జూనియర్‌ బాలయ్య పాత్ర సినిమా మొదటి నుండి ఉంటుంది. కుటుంబం కష్టాల్లో ఉన్నప్పుడు సీనియర్ బాలయ్య పాత్ర ఎంటర్‌ అవుతుంది. ప్రేక్షకులు షాక్‌ అవుతారు, ఆ పాత్ర గ్రాండియర్‌, ఎలివేషన్లు, కటౌట్లు, క్లోజప్‌లు, ఎమోషన్లకు బాగా కనెక్ట్‌ అవుతారు. ఈ కాన్సెప్ట్‌తోనే ‘సింహా’, ‘లెజెండ్‌’ మంచి విజయాలు అందుకున్నాయి. ఇప్పుడు హ్యాట్రిక్‌ కోసం తీసిన ‘అఖండ’ కూడా అలానే కనిపిస్తోంది. జూనియర్‌ బాలయ్యతో హీరోయిజం చూపించి, ఇంటర్వెల్‌ దగ్గరకు వచ్చేసరికి…
సీనియర్ బాలయ్యను అఘోరాగా ప్రవేశపెట్టబోతున్నారు. దీనికి సంబంధించిన లుక్‌ ఇప్పటికే వీడియోల్లో చూసేశాం. ట్రైలర్‌లో కూడా అలానే చూపించారు. కాన్సెప్ట్‌ సేమ్‌ కాబట్టి… రిజల్ట్‌ కూడా సేమ్‌ అవుతుందా. లేక మారుతుందా అనేది చూడాలి. ఏ మాటకి ఆ మాట సీనియర్ బాలయ్య గెటప్‌ అదిరిపోయింది.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
Home