Srinivasa Mangapuram: జయకృష్ణ డెబ్యూ మూవీ.. మహేష్ బాబుకి ఇష్టం లేదా.. కారణం?

ఘట్టమనేని ఫ్యామిలీ నుండి మూడో తరం హీరో ఎంట్రీ ఇస్తున్న సంగతి తెలిసిందే. సూపర్ స్టార్ కృష్ణ పెద్దబ్బాయి, దివంగత రమేష్ బాబు కుమారుడు అయినటువంటి జయకృష్ణ ఘట్టమనేని హీరోగా పరిచయమవుతూ ‘శ్రీనివాస మంగాపురం'(Srinivasa Mangapuram) అనే సినిమా చేశాడు. ‘వైజయంతీ మూవీస్’ సమర్పణలో ఈ చిత్రం రూపొందింది. టీజర్, ట్రైలర్ పెద్దగా ఇంప్రెస్ చేయలేకపోయినా, మౌత్ టాక్ బాగుంటే ఆడియన్స్ థియేటర్లకు వచ్చే అవకాశం లేకపోలేదు.

Srinivasa Mangapuram

ఎందుకంటే జయకృష్ణ సంగతి పక్కన పెడితే, ఈ సినిమాలో స్టార్ క్యాస్టింగ్ చాలానే ఉంది. రవీనా టాండన్ కుమార్తె రషా తడాని కూడా ఈ చిత్రంతోనే హీరోయిన్‌గా లాంచ్ అవుతోంది. అలాగే డైలాగ్ కింగ్ మోహన్ బాబు కీలక పాత్రలో కనిపించనున్నారు. వీరితో పాటు కిక్ శ్యామ్, అజయ్ వంటి పలువురు నటీనటులు ఈ చిత్రంలో నటించారు. జీవీ ప్రకాష్ సంగీతం అందించిన పాటలు కూడా బాగానే ఉన్నాయని టాక్.అయితే ఈ సినిమాకు మహేష్ బాబు పుషింగ్ ఇంకాస్త ఎక్కువగా ఉంటుందని అంతా ఆశించారు.

మహేష్ చొరవ తీసుకుని మరింత ప్రమోట్ చేసి ఉంటే, అతని అభిమానులే ఈ చిత్రాన్ని భుజాన మోసేవారని, ఓపెనింగ్స్ కూడా బాగుండేవని అంతా అనుకున్నారు. కానీ ఇప్పుడు మౌత్ టాక్ మీదే ఆధారపడాల్సిన పరిస్థితి వచ్చింది. మహేష్ బాబు నామమాత్రంగా ఒక వీడియో బైట్ ఇచ్చినా, బజ్ పెంచేందుకు అది సరిపోలేదు. నిజానికి మహేష్ ఆ బైట్ కూడా మొహమాటం కొద్దీ ఇచ్చినట్టు ఇన్‌సైడ్ టాక్.మహేష్ బాబు ఈ సినిమాకు పూర్తిగా సపోర్ట్ చేయకపోవడం వెనుక మరో కారణం కూడా ఉందని సమాచారం.

ఆ కారణం దర్శకుడు అజయ్ భూపతి. ఇప్పటివరకు ఆయన తీసిన సినిమాలన్నీ బోల్డ్ కంటెంట్‌తో, హీరోయిన్ గ్లామర్ చుట్టూ తిరిగే కథలేనని పేరు. ‘శ్రీనివాస మంగాపురం’ కూడా దాదాపు అలాంటి తరహా కథేననే టాక్ ఉంది. అందుకే ఇలాంటి జానర్ సినిమా వద్దని మహేష్ బాబు మొదట్లోనే జయకృష్ణ అండ్ ఫ్యామిలీకి సూచించాడట. కానీ కృష్ణ సోదరుడు ఆదిశేషగిరి రావు వంటి పెద్దలు చొరవ తీసుకుని ‘వైజయంతీ మూవీస్’ను ఈ ప్రాజెక్టులోకి తీసుకొచ్చినట్టు సమాచారం.

దాని వల్ల సెంటిమెంట్ గా జయకృష్ణ డెబ్యూకి హెల్ప్ అవుతుందనేది వారి ప్లాన్. కానీ మహేష్..కి ఎందుకో అది కూడా నచ్చలేదట.అందుకే మొదటి నుంచీ జయకృష్ణ డెబ్యూ చిత్రానికి మహేష్ దూరంగా ఉన్నట్టు స్పష్టమవుతోంది. మరో విచిత్రం ఏంటంటే – ‘వైజయంతీ మూవీస్’ చిత్రాల ప్రమోషన్స్‌లో దర్శకుడు నాగ్ అశ్విన్ ఇన్వాల్వ్మెంట్ కూడా ఉంటుంది. కానీ ఈ ప్రాజెక్టుకు అతను కూడా దూరంగా ఉన్నట్టు వినికిడి.

‘లెనిన్‌’లో ఐటెమ్‌ సాంగ్‌ మిస్‌ అయ్యామట.. తమన్‌ హర్ట అయ్యి…