బిగ్ బాస్ హౌస్ లో ఇప్పటికే 21మంది హౌస్ మేట్స్ ఉన్నారు. మొగుడు పెళ్లాలిద్దరినీ కలిసి ఒక పార్టిసిపెంట్ గా లెక్క వేసినా కూడా ఇద్దరు మనుషులు ఉన్నారు కాబట్టి ఇద్దరికీ కావాల్సిన వసతులు కల్పించాల్సిందే. గేమ్ కూడా ఇద్దరూ కలిసే ఆడుతున్నారు. ఎవరి గేమ్ వాళ్లు ఆడట్లేదు. టాస్క్ వచ్చినా కూడా ఇద్దరిలో ఒకరు మాత్రమే పార్టిసిపేట్ చేయాలని బిగ్ బాస్ క్లియర్ గా ఆదేశిస్తున్నాడు. ఇక ఇప్పటికే ఇంతమంది హౌస్ లో ఉంటే రెండోవారం వైల్డ్ కార్డ్ ఎంట్రీ అంటూ మరో ట్విస్ట్ ఇవ్వబోతున్నాడట బిగ్ బాస్.
యాంకర్ గా, మోడల్ గా మంచి పేరు తెచ్చుకున్న దీపిక పిల్లి వైల్డ్ కార్డ్ ఎంట్రీగా హౌస్ లోకి వెళ్లబోతోందని సమాచారం తెలుస్తోంది. అయితే, ఈసీజన్ లో బిగ్ బాస్ దగ్గర చాలా ఆప్షన్స్ ఉన్నాయి.మరో పార్టిసిపెంట్ గా తన్మయిని కూడా హౌస్ లోకి పంపించే అవకాశం ఉంది. ఇప్పుడు ఇద్దరినీ హౌస్ లోకి పంపిస్తే 23మంది వరకూ అయిపోతారు. అందుకే, బిగ్ బాస్ టీమ్ ఆలోచనలో పడింది. ఒకర్ని ఈవారం, మరొకరిని వచ్చేవారం పంపించాలని ప్లాన్ చేస్తోందట.
ఫస్ట్ నుంచీ కూడా బిగ్ బాస్ సీజన్ – 6 కి దీపికా పిల్లి పేరు వివిపిస్తూనే ఉంది. అంతేకాదు, జబర్ధస్త్ టీమ్ లో ట్రాన్స్ జెండర్ అయిన తన్మయిని కూడా పంపించాలని అనుకున్నారు. కానీ, లాస్ట్ మినిట్ లో ఇద్దరినీ డ్రాప్ చేశారు. ఇప్పుడు వైల్డ్ కార్డ్ ద్వారా హౌస్ లోకి పంపించాలని అనుకుంటున్నారు. దీపికా పిల్లి, తన్మయి ఇద్దరూ ఒకేసారి హౌస్ లోకి వస్తారా ? లేదా బిగ్ బాస్ వేరే విధంగా వీరిని ఉపయోగిస్తూ హౌస్ లోకి పంపిస్తాడా అనేది ఆసక్తికరం.
మొత్తానికి ఎప్పుడూ లేని విధంగా పార్టిసిపెంట్స్ హౌస్ లో సందడి చేస్తున్నారు. ఎవరి గేమ్ వాళ్లు ఆడుతూ స్ట్రాటజీలని ప్లే చేస్తున్నారు. ఈవారం ఎలిమినేషన్ కూడా లేదు కాబట్టి ఇప్పుడు వైల్డ్ కార్డ్ ఎంట్రీలు వస్తే మొత్తం 23మంది వరకూ హౌస్ లో ఉండే అవకాశం ఉంది. మరి చూద్దాం. ఏం జరగబోతోంది అనేది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!</strong
