Pawan Kalyan: ‘ఓజి’ ఎంట్రీ… ‘అఖండ 2’ ‘సంబరాల యేటి గట్టు’ సంగతేంటి?

పవన్ కళ్యాణ్ (Pawan Kalyan) అభిమానులు ఎప్పుడెప్పుడా అని ఎదురుచూస్తున్న ‘ఓజి’ సినిమా రిలీజ్ అప్డేట్ రానే వచ్చేసింది. ఈ చిత్రాన్ని సెప్టెంబర్ 25న విడుదల చేస్తున్నట్టు దర్శక నిర్మాతలు ప్రకటించారు. ఇది పాన్ ఇండియా సినిమాగా రూపొందింది. అయితే అదే డేట్ కి ఈ సినిమాని పాన్ ఇండియా లెవెల్లో రిలీజ్ చేస్తారా లేదా? అనేది క్లారిటీ ఇవ్వలేదు.

Pawan Kalyan

ఒకవేళ పాన్ ఇండియా లెవెల్లో ‘ఓజి’ ని విడుదల చేస్తారు అంటే.. అది కచ్చితంగా మంచి డేట్ అనే చెప్పాలి. ఎందుకంటే ఆ టైంలో హిందీ మార్కెట్ బాగుంటుంది.మిగతా భాషల్లో కూడా మంచి ఓపెనింగ్స్ వచ్చే అవకాశం ఉంటుంది. గతేడాది ఎన్టీఆర్ ‘దేవర’ కూడా ఇదే టైంలో వచ్చి భారీ ఓపెనింగ్స్ పొందింది. ‘ఓజి’ కి హైప్ ఉంది కాబట్టి.. దీనికి కూడా కలిసొచ్చే అవకాశం ఉంటుంది.

పైగా ఆ తర్వాతి వారం ‘గాంధీ జయంతి’ తో పాటు దసరా పండుగ కూడా ఉంది. అయితే ఒక్కటే సమస్య.. ! సెప్టెంబర్ 25 కి బాలకృష్ణ- బోయపాటి శ్రీను కాంబినేషన్లో తెరకెక్కుతున్న ‘అఖండ 2’ కూడా రిలీజ్ అవుతున్నట్టు ప్రకటించారు. ఆ సినిమా షూటింగ్ కూడా చాలా వరకు కంప్లీట్ అయ్యింది. మరోపక్క సాయి దుర్గ తేజ్(సాయి ధరమ్ తేజ్) ‘సంబరాల యేటి గట్టు’ ని కూడా అదే డేట్ కి విడుదల చేస్తున్నట్లు ప్రకటించారు.

ఇది కూడా పాన్ ఇండియా సినిమానే. అయితే మావయ్య పవన్ కళ్యాణ్ సినిమా వస్తుందంటే కచ్చితంగా.. హీరో తేజు తన సినిమాను వాయిదా వేయిస్తాడు. దానితో ప్రాబ్లమ్ లేదు. ‘అఖండ 2’ రిలీజ్ సంగతి తేలాల్సి ఉంది.

చెంపదెబ్బ కొట్టి మరీ ‘నల్ల పిల్లి’ అంటూ దారుణంగా అవమానించిందట….!