అక్కినేని థర్డ్ జనరేషన్ హీరో అయిన అఖిల్ ఇప్పటికే మూడు చిత్రాలు చేసాడు. అయితే ఒక్క సినిమా కూడా హిట్టందుకోలేకపోయాడు.ఇప్పటి వరకూ పెద్ద ఫ్యామిలీ నుండీ ఇండస్ట్రీకి ఎంట్రీ ఇచ్చిన ఏ హీరోకూ ఇలాంటి పరిస్థితి వచ్చి ఉండదు. మొదటి చిత్రం ప్లాప్ అయినా నాగచైతన్య రెండో చిత్రానికి హిట్టు కొట్టాడు. జూ.ఎన్టీఆర్ కు కూడా మొదటి చిత్రం ప్లాప్ అయినా రెండో చిత్రం హిట్టందుకున్నాడు. ఆఖరికి అల్లు శిరీష్ కూడా రెండో చిత్రానికి హిట్టందుకున్నాడు. మరి అఖిల్ కి మాత్రమే ఈ పరిస్థితి ఎందుకొచ్చింది. మంచి స్క్రీన్ ప్రెజెన్స్, డాన్సులు, ఫైట్లు ఇరగదీస్తాడు. నటనలో కూడా సినిమా.. సినిమాకి ఇంప్రూవ్ అవుతున్నాడు. చూస్తుంటే ఇప్పటి కాంపిటిషన్ కు అఖిల్ భారీ హిట్టందుకోవాలంటే కొంచెం కష్టమే. ఫ్యామిలీ బ్యాక్ గ్రౌండ్ లేకపోయినా నాని,విజయ్ దేవరకొండ వంటి హీరోలు స్టార్లుగా ఎదిగారు. ఎన్ని ప్లాపులొచ్చినా నితిన్ కూడా బలంగా నిలబడి మరి హిట్లు కొడుతున్నాడు.
ఇదిలా ఉంటే.. అసలు అఖిల్ నాలుగో చిత్రం ఎవరితో చేయబోతున్నాడు..! గత నాలుగు నెలలుగా ఇదే ప్రశ్న ఇండస్ట్రీలో హాట్ టాపిక్ అయ్యింది. ఇప్పటి వరకూ ఈ విషయం పై ఎలాంటి క్లారిటీ రాలేదు. మొదట `మలుపు` డైరెక్టర్ సత్య ప్రభాస్ పినిశెట్టి డైరెక్షన్లో అఖిల్ నాలుగో సినిమా అన్నారు… అయితే దాని పై ఎలాంటి క్లారిటీ లేదు… ! తరువాత ‘బొమ్మరిల్లు’ భాస్కర్, ‘గీతగోవిందం’ పరశురామ్ డైరెక్టర్ల పేర్లు వినిపించాయి. వీరిద్దరిలో ఒకరితో అఖిల్ సినిమా కన్ఫర్మ్ అని.. ఈ ప్రాజెక్ట్ ను ‘గీత ఆర్ట్స్’ లో అల్లు అరవింద్ నిర్మిస్తారని టాక్ నడిచింది. అయితే ఇప్పటి వరకూ ఈ ప్రాజెక్ట్ పై ఎలాంటి అనౌన్స్మెంట్ లేదు. ఏప్రిల్ 8 న అఖిల్ పుట్టినరోజు కాబట్టి ఆరోజైన అఖిల్ నాలుగో సినిమా పై అనౌన్స్మెంట్ వస్తుందని అక్కినేని అభిమానులు ఎంతో ఆసక్తితో ఎదురుచూస్తున్నారు. మరి చివరికి ఏం జరుగుతుందో చూడాలి..!
Home