Indian 2: ‘ఇండియన్‌ 2’ గురించి సరికొత్త పుకారు.. నిజమవుతుందట

₹250 కోట్ల ప్రాజెక్టు… పెద్ద హీరో.. పెద్ద డైరక్టర్‌.. కానీ ఇప్పుడు ఆ సినిమా పరిస్థితి ఏంటో ఎవరికీ అర్థం కావడం లేదు. అంతేకాదు ఆ సినిమాకు ఇప్పటివరకు ఖర్చు పెట్టిన డబ్బుల పరిస్థితి ఏంటో కూడా తెలియడం లేదు. ఇదంతా ఏ సినిమా గురించో మీకు అర్థమైపోయుంటుంది. ఆఁ… అవును ‘ఇండియన్‌ 2’ గురించే. కమల్‌ హాసన్‌ – శంకర్‌ కాంబినేషన్‌లో భారీగా మొదలైన ఈ సినిమా తర్వాతర్వాత చాలా మలుపులు తీసుకుంది. అవన్నీ పక్కన పెడితే, ఇప్పుడు ఆ సినిమాలో దర్శకుడు శంకర్‌ ఉంటాడా అనేది డౌట్‌గా మారింది.

‘ఇండియన్‌ 2’ సినిమా మొదలైనప్పుడు ప్రపంచం మొత్తం ఆసక్తి కనబరిచింది. అనుకున్నట్లుగా భారీ తారాగణం, సాంకేతిక బృందంతో లైకా ప్రొడక్షన్స్‌ అంచనాలు పెంచింది. అయితే సినిమా సెట్‌లో ప్రమాదం జరిగినప్పుడు కమల్‌కు, చిత్ర నిర్మాతకు మనస్పర్థలు వచ్చాయని టాక్‌. ఆ తర్వాత అంతా సద్దుమణిగింది అని కూడా వార్తలొచ్చాయి. ఇప్పుడు అంతా ఓకే అనుకుంటుండగా కరోనా వచ్చి సినిమా షూటింగ్‌ను నిలిపేసింది. మళ్లీ షూటింగ్‌ మొదలుపెడుతున్నారు అనగా… శంకర్ వేరే సినిమాలు ప్రకటించాడు. దీంతో అసలు ఈ సినిమా ఉంటుందా లేదా అని వార్తలొచ్చాయి.

అయితే రీసెంట్ చిత్ర నిర్మాలు సినిమా ఉంటుందని, త్వరలో చిత్రీకరణ మొదలవుతుందని ప్రకటించారు. దీంతో మరోసారి సినిమా మీద గాసిప్‌లు మొదలయ్యాయి. ఇప్పుడొస్తున్న పుకార్ల ప్రకారం సినిమా అయితే ఉంటుంది కానీ, అందులో శంకర్‌ ఉండరట. సినిమాకు కొత్త దర్శకుణ్ని తీసుకుంటారని టాక్‌. అయితే శంకర్‌ స్థాయిలో సినిమాను తీసే దర్శకుడు ఎవరబ్బా అనే ప్రశ్న రావొచ్చు. దీనికి సమాధానం కమల్‌ హాసన్‌ అని అంటున్నారు. అవునే కమల్‌… ‘ఇండియన్‌ 2’ కోసం మెగా ఫోన్‌ పట్టుకోబోతున్నాడని అంటున్నారు. దీనిపై అధికారిక ప్రకటన ఏమన్నా ఇస్తారేమో చూడాలి.

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!