మలినేని సీనియర్ హీరోతో సినిమా చేస్తాడా..?

దర్శకుడు గోపీచంద్ మలినేని ‘క్రాక్’ సినిమాతో హిట్ ట్రాక్ ఎక్కాడనే చెప్పాలి. ఈ సినిమాలో అతడు తీసిన మాస్ సీన్లు ప్రేక్షకులను ఎంతగానో ఆకట్టుకున్నాయి. బస్ స్టాండ్ ఫైట్, శృతిహాసన్ క్యారెక్టర్ ట్విస్ట్ వంటి సన్నివేశాల్లో తనదైన మార్క్ చూపించాడు. సరైన కథ దొరికితే హీరోలను ఎలివేట్ చేయడంతో గోపీచంద్ మలినేని ఎంతమాత్రం తగ్గడని ఈ సినిమాతో నిరూపించుకున్నాడు. ‘క్రాక్’ సినిమా హిట్ అవ్వడంతో ఇప్పుడు యంగ్ హీరోల్లో చాలా మంది మలినేనితో కలిసి పని చేయడానికి ఆసక్తి చూపించే అవకాశాలు ఉన్నాయి.

కానీ ఈ డైరెక్టర్ మాత్రం ‘క్రాక్’ సినిమా రిలీజ్ కావడానికి ముందు సీనియర్ హీరో బాలకృష్ణతో సినిమా చేయాలనుకున్నాడు. మైత్రి మూవీ మేకర్స్ బ్యానర్ ఈ సినిమాను నిర్మించాలని ప్లాన్ చేస్తుంది. మరి ఇప్పుడు గోపీచంద్ మలినేని పెద్ద హీరోలతో సినిమా చేయడానికి ఆసక్తి చూపుతాడా..? లేక ముందుగా అనుకున్నట్లు బాలయ్యతో సినిమా చేస్తాడా..? అనేది చూడాలి. ప్రస్తుతం బాలయ్య.. బోయపాటి దర్శకత్వంలో ఓ సినిమా చేస్తున్నాడు.

ఆ తరువాత బి.గోపాల్ సినిమా లైన్లో ఉంది. ఈ రెండు సినిమాలతో పాటు ఇతర దర్శకులు కూడా బాలయ్యతో సినిమాలు చేయడానికి ప్లాన్ చేస్తున్నారు. ఈ నేపథ్యంలో బాలయ్య-మలినేని కాంబినేషన్ లో సినిమా సెట్ అవుతుందో లేదో చూడాలి!

Most Recommended Video

క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!