పవన్ కల్యాణ్ కు కొంచెం కష్టమే..!!

పవర్ స్టార్ పవన్ కల్యాణ్ అంటేనే ఆయన అభిమానులకు ఆరాధ్య దైవం లాంటి వాడు. పవన్ ఇండస్ట్రీ కి అడుగు పెట్టిన తొలి రోజుల్లో ఆయన డ్యాన్స్ లకు ఫిదా అయిపోయి ఆయన అభిమానులుగా మారిన వారు ఎందరో ఉన్నారు. కానీ కాలక్రమేణా ఆయన సినిమాలో డ్యాన్స్ అనే పదమే లేకుండా పోయింది. తొలి రోజుల్లో స్టెప్స్ తో దుమ్ము దులిపిన పవన్, పోను..పోను…అసలు సాంగ్స్ లో డ్యాన్స్ లేమి వెయ్యకుండా వాక్ తోనో..లేకపోతే సింపల్ స్టెప్స్ తోనో సర్దేస్తున్నాడు. ఇక అదే క్రమంలో గతంలో విడుదలయ్యి బ్లాక్ బస్టర్ హిట్ కొట్టిన “గబ్బర్ సింగ్’ సినిమాకు సీక్వెల్ గా వస్తున్న “సర్దార్ గబ్బర్ సింగ్” సినిమాపై కూడా పవన్ అభిమానులు భారీ ఆశలే పెట్టుకున్నారు.

గబ్బర్ సింగ్ లో పవన్ కల్యాణ్ డిఫరెంట్ స్టెప్స్ కు ఫిదా అయిన అభిమానులు సర్దార్ లో కూడా అదే  రకం అయిన స్టెప్స్ ఉంటాయేమో అని ఆశగా ఎదురు చూస్తున్నారు. పాపం ఆ ఆశ పవన్ కల్యాణ్ ని ఇబ్బంది పడేలా చేస్తుంది ఎందుకంటే పవన్ కు ఉన్న నడుం నొప్పి కారణంగా ఆయన ఈ మధ్య డ్యాన్స్ వేయడం లేదు అని పవన్ సన్నిహిత వర్గాలు చెబుతున్నాయి. అందుకోసమే సర్ధార్ లో పవన్ కోసం, పవన్ అభిమానులను దృష్టిలో పెట్టుకుని మరీ డ్యాన్స్ స్టెప్స్ కంపోజ్ చేశారు డ్యాన్స్ మాస్టర్స్. మరి ఆ డ్యాన్స్ స్టెప్స్ అభిమానుల్ని ఎంతవరకూ అలరిస్తాయో చూడాలి. ఏది ఏమైనా…డ్యాన్స్ అంటే పవన్ కు కొంచెం కష్టమే మరి.